VaLevi 19:22 - Livulu lya Shukulu Kalunga

²² Co muka-kukombelela akajelesa uje munalume ku mesho a Shukulu Kalunga a vuvi vuje vwalingile. Co Njambi akamusambesavwo.

VaLevi 19:22 Iomraidhean Croise

VaLevi 19:21

Oloni uje munalume akanene lijamba lya manga ku cikolo ca Mbalaka ku mesho ange, kupwa mulambu wa kuliilwisila.

VaLevi 19:23

“Omo mukakovela mu lifuti lya Kanana, mukakuna miti yoshe ya vushuka, co anukeni ngeci vushuka vuje vwa myaka itatu yakulivanga, kuvwajelele kesi muvulye.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:26

Asinoni akenyekele mazi oshe a cimuna a mutula, ngwe mwakenyeka mazi a vimuna vakutsiila a milambu ya kulitombola. Co mu ngila eyi muka-kukombelela akaambesa uje ntwama ku vuvi vwendi, co vakamusambesa.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:35

Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 5:7

“Oloni nga munu onwa kunena manga nambe membe, co uje munu napande kunena kuli Shukulu Kalunga tutela vavali nambe mayembe vavali, kupwa mulambu wa mulonga wendi a vuvi vuje vwanalingi. Kazila umo akapwa wa mulambu wa a vuvi, co mukwavo wa mulambu wa kwenyeka.