VaLevi 19:18 - Livulu lya Shukulu Kalunga

¹⁸ Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.

VaLevi 19:18 Iomraidhean Croise

Kushangumuka 4:23

Lameki wendekele kuli vanakazi vendi ngwendi, “Vanakazi vange Anda na Zila njitolilileni. Njinatsii munu omwo ikeye nanjivulumuna. Njinatsii mukwenje omwo nanjipupu.

2 Samwele 13:22

Co Avisalome wazindile manene Aminone omwo wawisile ndokazi yendi Tamale nakulinga nendi vuvi, co kendekele nendi lalo.

2 Samwele 13:28

co Avisalome washikile vangamba vendi ngwendi, “Kengeseseni mwamuvwa Aminone omo nanu manene, co njimishika ngwange mutsiyeni, kesi mukale na lyova embwe. Yange njinamishiki. Pweni vaka-kusimpa kesi muzive lyova!”

Myaso 103:9

Shukulu Kalunga kesi kuhisa simbu yoshe, ikeye lalo kesi kuluvala simbu yoshe embwe.

Kutuuka 20:16

“Kesi mukavangele mukweni vukaleo vwa makuli.

Visimo 20:22

Kesi ulilingile shambandinga a vuvi. Kulaela lika kuli Shukulu Kalunga, co akakwamena.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

Mateo 19:16

Munu umo wezile kuli Yesu, wamwihwile ngwendi, “Mulongisi, cuma mukajo cacivwa cinjinapande kulinga ngeci njitambule mwonyo wa myaka yoshe?”

Mateo 19:19

singimika isho na vanyoko, co zema mukweni ngwe muwalizema yove vavenya.”

Yowano 13:34

Co njimyana lishiko lyaliha ngwange, lizemene umo na mukwavo. Ngwe yange munjinamizeme, ngecivene, munapande kulizema umo na mukwavo.

Vilinga vya Miluwa 16:28

Oloni Paulu watambekele na lijwi lyakama ngwendi, “Kesi ulivulumune! Omwo tuvavoshe mutuli muno!”

Loma 12:17

Nga umo nakuviisila, kesi umwilwisile vuvi vwendi lalo embwe. Lingeni vyavivwa ku mesho a vanu voshe.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 13:4

omwo napu ngamba ya Njambi ngeci akulingile vuvwa. Oloni nga ulinga mwamuvi, co muzivile lyova, omwo nzili yendi ya kukunyanyamesa inapu ya vushunga. Ikeye napu ngamba ya Njambi, co alinakunena kunyanyamesa kwa Njambi kuli vaje valinga mwamuvi.

Loma 13:9

Mashiko ngwawo, “Kesi ulinge vupangala, kesi utsiye, kesi wive, kesi uliveyele cuma ca mukweni”, co vyoshe evi, na vyeka lalo, vanavipwisa lishiko limolika ngwavo, “Zema mukweni ngwe muwalizema yove vavenya.”

Ngalatiya 5:14

Omwo Mashiko oshe amutunu vanalilavelao mukushika kumo ngwavo, “Zema mukweni ngwe muwalizema yove vavenya.”

Ngalatiya 5:20

mukulemesa tumponya na mu vulozi. Co vanu vakapwa vitozi, vakalwa, co vakapwa vaka-cipululu, vaka-matoto, na vaka-kulyaka ku vukama. Co vakalyangunuka mu vimbunga na mu vimunga,

Efeso 4:31

Tundiseni kulula kwoshe na mashungu na vukalu. Kesi kukale lalo kulijokota nambe kulishaula, kesi kukale lalo matumbe amavi akati keni.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

Kolose 3:8

Oloni ololo munapande kumbila kuti vyuma vyoshe evi, kutenuka, mashungu amavi, na cizindo cacivi. Mu tunwa tweni kumwapandele kutuuka majwi amavi, nambe kutuka.

VaHevelu 10:30

Omwo tunazivuka uje wendekele ngwendi, “Njikalinga shambandinga, co njikavelwisila fweto yavo,” nendeka lalo ngwendi, “Shukulu Kalunga akasompa vanu vendi.”

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Yowano 4:21

Co eli likelyo lishiko lyanatwana Kilistu, woshe uje azema Njambi napande kuzema vakwavo lalo.