VaLevi 19:14 - Livulu lya Shukulu Kalunga

¹⁴ Kesi mukasinge kasinda-matwi nambe kwaka citanukiso kulutwe lwa kapuputwa. Oloni mukazivila Njambi yeni lyova. Yange njapwa Kalunga Njambi yeni.

VaLevi 19:14 Iomraidhean Croise

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

VaLevi 19:32

“Mukamwese kasingimiko kuli tukulukazi nakuvalemesa. Co mukanjononoka nakunjisingimika. Yange njapwa Kalunga.

VaLevi 25:17

Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”

Loma 12:14

Vezikiseni vaje valinakumiyandesa, eyo, vavezikiseni, co kesi muvasinge embwe.

Loma 14:13

Ngecivene, kesi tulihise umo na mukwavo. Oloni unapande kuyongola ngeci kesi wake citanukiso mu ngila ya mukweni nambe cakumuwisa.

1 Kolinte 10:32

Yoya mu ngila ije kuyasa kwana vukalu nambe kuli vaYunda nambe kuli vaje kesi vaYunda nambe ku cikungulukilo ca Njambi.

Kwituluka mu Mashiko 27:18

“ ‘Cisingo ca Njambi cikale ali munu woshe uje atwamenena kapuputwa kweka, nakuseza ngila.’ “Co vanu voshe vakakumbulula ngwavo, ‘Ewa!’

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

1 Petulu 2:17

Singimikeni munu woshe, zemeni vasamba veni vaka-kukulaela, komokeni Njambi, co singimikeni vaka-kushwana.

Kujombolola 2:14

Oloni kuli vyuma vyavindondo njalinyenge ali yove, kuvali vamo akati keni vaje vacikavangeya kulongesa kwa Mbalame, uje walongesele Mbalake kutwamenena vanu va Isalele kulinga vuvi akuvasindiya kulya vyakulya vije vanakombelela ku tumponya nakulinga vupangala.