VaLevi 19:11 - Livulu lya Shukulu Kalunga

¹¹ “Kesi mukayive, nambe kwendeka makuli nambe kukwisa.

VaLevi 19:11 Iomraidhean Croise

2 Samwele 17:20

Vamyata va Avisalome vezile ku njuvo nakwihula uje munakazi ngwavo, “Ahimaza na Yonatana vali kuli?” Co wavakumbulwile ngwendi, “Vanajavuka laja ndonga.” Co vaje vanu vavashakezekele oloni kuvavawanene, ngeci velukile ku Yelusalema.

1 Vimyene 13:18

Asinoni uje muka-kwimanena wa kakulukazi wa ku Mbetele wendekele kuli ikeye ngwendi, “Nange lalo nji muka-kwimanena ngwe yove, co akushika kwa Shukulu Kalunga ali kangelo nanjileka kuya amo nove kwimbo ngeci njikakujumbule.” Oloni uje muka-kwimanena wa kakulukazi wendekele makuli.

Myaso 101:7

Muka-makuli naumo wai akakala mu lipela lyange, kukwesi muka-civembulu lalo akakala mu lipela lyange.

Myaso 116:11

Nameme omo njakele na lyova, njendekele ngwange, “Naumo wai njasa kukulaela.”

Kutuuka 20:15

“Kesi mukaive.

Kutuuka 20:16

“Kesi mukavangele mukweni vukaleo vwa makuli.

Kutuuka 20:17

“Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.”

Kutuuka 22:1

“Nga munu aiva ngombe nambe manga, co amutsiya nambe amulandesa, ikeye napande kufweta vingombe vatanu a ngombe umo, co na vimanga vawana a manga umo.

Kutuuka 22:7

“Nga munu atava kutulika vimbongo vya mukwavo nambe vufuko vwendi, co vukevwo vavwivila mu njuvo yendi, co uje mwizi, nga vanamuwana, vamufwetesa luvali.

Kutuuka 23:1

“Kesi mushandole lingwavo lya makuli, co kesi mukwase munu ali na mulonga akwana vukaleo vwa makuli.

Visimo 24:28

Kesi upwe mukaleo wakulwisa mukweni wakujeneka mulonga, nambe kwendeka vyuma vyakutanganesa ali ikeye.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

VaLevi 19:10

Kesi mukelukile lalo munima ya lihya lyeni lya vinyu mukuungulula vushuka vuje vumunasezele nambe kunona vushuka vuje vwalundumukila asi. Vusezeleni vaka-kuutwa, nambe vaka-kwija. Yange njapwa Kalunga Njambi yeni.

Loma 3:4

Mwa vushunga vene embwe! Njambi napande kupwa wa vushunga, nameme vanu voshe vapwa vaka-makuli. Ngwe muvyendeka visoneka ngwavyo, “Unapande kusholoka muka-vushunga omo wendeka, unapande kuhyana mulonga wove omo vakusompa.”

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Kwituluka mu Mashiko 5:19

“ ‘Kesi mukaive.

Kolose 3:9

Kesi mwendeke makuli ku umo na mukwavo, omwo yeni munashulula kuyoya kwa vunu vwalaja amo na vilinga vyavwo,

1 Timateo 1:10

na kuli vaka-vupangala, nambe kuli vanalume vaje vaka-kulinga vundei na vakwavo vanalume lalo na kuli mangwangwa, na kuli vaje vaka-kwendeka makuli nakwana vukaleo vwa makuli nambe kulinga cuma cimo ca ngila ikwavo yakunyongesa vilongesa vya vushunga.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”