VaLevi 19:10 - Livulu lya Shukulu Kalunga

¹⁰ Kesi mukelukile lalo munima ya lihya lyeni lya vinyu mukuungulula vushuka vuje vumunasezele nambe kunona vushuka vuje vwalundumukila asi. Vusezeleni vaka-kuutwa, nambe vaka-kwija. Yange njapwa Kalunga Njambi yeni.

VaLevi 19:10 Iomraidhean Croise

Isaya 17:6

Kuvanga vanu vavandondo lika vakasalao, co Isalele ikapwa ngwe muti wa olive uje uvanavuyu vushuka vwoshe kuvanga vuvali nambe vutatu lika vwa ku shongo-shongo vunasalako, nambe vwavundondo lika vunasala kwisi ya minango. Yange Kalunga Njambi ya Isalele, njinendekamo.”

Isaya 24:13

Miyati ya vanu vanavanyeka vyuma vyavo vyoshe, vanapu ngwe miti ya olive nambe mikolovozi ya vushuka vwa vinyu a simbu yakumanesa kuteja.

Njelemiya 49:9

Omo vanu vavuya mikolovozi ya vushuka vwa vinyu, vakasezako vwavundondo lika, omo vezi vaija ku simbu ya vutsiki nakupukula, vakambatako lika vyuma vije vivashaka.

VaLevi 11:44

Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 19:11

“Kesi mukayive, nambe kwendeka makuli nambe kukwisa.

VaLevi 19:25

Oloni mu mwaka wamucitanu mukasa kulya ku vushuka ovu. Nga mulinga vyoshe evi, co miti yeni ikema vushuka vwavungi. Yange Kalunga njapwa Njambi yeni.

VaLevi 19:9

“Omo mukateja mahya eni, kesi mukateje vimbuto vya kumukulo wa mahya, co kesi mukelukile lalo munima na kuteja mitwe ya vimbuto ije yasala munima.

VaLevi 23:22

“Omo mukateja mu mahya eni, kesi mukavatozole vimbuto vya kumukulo wa mahya, co kesi mukelukile lalo munima nakuvatozola ije mitwe ya tiliku mwaseza munima. Visezeleni tuutu na vaka-kwija. Yange njapwa Kalunga Njambi yeni.”

VaLevi 25:6

Nameme nga kumwalimine mu mwaka uje, oloni mukawana vyakulya vyeni, yeni na vindungo veni, na vanu vaje vakukumuna, na vaka-kwija vaje vamuli navo amo,

Ovandiya 1:5

“Omo vezi vaija vutsiki, vaiva lika vije vivashaka. Omo vanu vakungulula vushuka vwa mikolovozi ya vinyu, co vakasezao lika vwavundondo. Oloni vitozi veni vanamimanesa muvavoshe njwa.

Mika 7:1

Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti.

Kwituluka mu Mashiko 24:19

“Omo mukateja vimbuto vyeni mu lihya, co mwivala lyanda limo mu lihya, kesi mukaliilukile kukalishaka. Oloni lisezeleni vaka-kwija, na visiwa, na vifwile, ngeci Shukulu Kalunga Njambi yeni akamivezikise mu vyuma vyoshe vimukalinga.

Kwituluka mu Mashiko 24:20

Omo mukapapa ku miti yeni ya olive, co kesi mukelukile lalo vushuka vunasalako. Vusezeleni vaka-kwija, na visiwa, na vifwile.

Kwituluka mu Mashiko 24:21

Co omo mukapotola vushuka vweni mu citungu ca mikolovozi ya vushuka vwa vinyu, kesi mukelukile lalo vushuka vuje vunasalako. Vusezeleni vaka-kwija, na visiwa, na vifwile.

Maako 8:2

Oloni ikeye wavalekele ngwendi, “Evi njinalingi vinapu vyavindondo, kuvilyeseka nevi munalingi yeni. Nameme ngoco vundondo vwa cije mwalingile yeni vaEfalime, cinatuvakana vije valingile vaka-cikota cange coshe.

Lute 2:2

A litangwa limo Lute muka-muyati wa Mowavi wendekele kuli Naumi ngwendi, “Njitave njiye ku mahya njikapupulule vimbuto vya vinona vivanaseze munima amo njikawana akanjizivilako mema ku mbunge.” Naumi wamukumbulwile ngwendi, “Mwamuvwa munange ya.”