VaLevi 17:7 - Livulu lya Shukulu Kalunga

⁷ Vanu va Isalele vanapande kupwa va kulongwa kuli Shukulu Kalunga. Kuvapandele kutsiila vimuna vavo mushandangala yangoco, nakukombelela vin̄ombelo ku minzinzime yakujwala ije yakulifwa na vimembe. Vanu va Isalele vanapande kunyunga lishiko eli ku visemwa vyavo vyoshe vya kulutwe.

VaLevi 17:7 Iomraidhean Croise

2 Mizimbu 11:15

Co Yelovowame wemikile vaka-kukombelela vendi, vapange ku myela ije yakulemesela vinjambi va vaka-kujeneka kukulaela nakulemesa minzinzime yakujwala na tumponya vaje vaashongele mu cifwa ca vana va vingombe.

Myaso 106:37

Vakombelelele vana vavo va vanalume na ava va vanakazi ku minzinzime yakujwala.

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Kutuuka 22:19

“Munu woshe uje akalala na kasitu vanapande kumutsiya.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Kutuuka 27:21

Alone na vana vendi vakevo vakaka vindeya mu Mbalaka anja ya livamba lije lili kulutwe lwa Cikasa ca Cikumiiyo. Co vikashukuma ku mesho ange kutunda ku cingwezi nakweta ku mutondo. Co vaIsalele na vatekulwila vavo vakanyunge kushika oku.

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Kutuuka 34:15

Co kesi mukalizivasane na vanu va mu lifuti lije omo valemesa vinjambi vavo nakuvakombelela, kutewa vakamilanya ngeci mukalikumbasane navo, co vakamyeseka mukalye ku vyakulya vanakombelela ku vinjambi vavo.

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

VaLevi 17:8

“Co ukendeka kuli vakevo ngwove kaIsalele woshe, nambe muka-kwija uje alinakukala akati kavo, uje akombelela n̄ombelo ya kwenyeka, nambe n̄ombelo yeka

VaLevi 20:5

asinoni yange vavenya njikamukengesa nima uje munalume na naanga yendi yoshe, na voshe vanakundama kuli ikeye akunjiseza yange nakulemesa njambi Moleki. Kunjikavalava lalo kupwa vanu vange embwe.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

Yowano 12:31

Ololo simbu yakusompa inaija kuli vaka-kaye, ololo muka-kushwana kano kaye vakamusheka.

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

1 Kolinte 10:20

Embwe! Njilinakwendeka ngwange cije vanakombelela a mutula wa tumponya cinapu cakukombelela ku minzinzime yakujwala, kesi kuli Njambi. Co kunjishaka mulitombole nakupangela amo na tumponya.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 32:17

Vakombelelele ku vinjambi vaje kesi va vushunga, vinjambi vaje kuvazivukile vakukulwila vavo, vinjambi vavaha vaje vaIsalele kuvavononokele akulivanga.

Kujombolola 9:20

Vaje vanu vasaleleo, voshe vaje kuvatsile na tuyando otu, kuvatengulukile kutunda ku vije vivalingile vakevo vavenya. Kuvalikelele kulemesa minzinzime yakujwala nambe tumponya twa ngolinde, siliva, vunengu, mamanya na viti, vije kuvyasa kumona nambe kuziva nambe kwenda.