VaLevi 17:6 - Livulu lya Shukulu Kalunga

⁶ Muka-kukombelela akashamwine maninga ku mitambela ya mutula ku cikolo ca Mbalaka nakwenyeka mazi ngeci lwengo lwaluvwa luvwaelelese Shukulu Kalunga.

VaLevi 17:6 Iomraidhean Croise

Kutuuka 29:13

Co juvununa mazi oshe acitata-mila, na mutambela uje wauvwa wa lishuli, na vinso vivali amo na mazi avyo, co vyenyekele a mutula vipwe mulambu kuli yange.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

VaLevi 17:5

Kunungulula kwa lishiko eli kunapu ngeci vanu va Isalele voshe ololo vasa kunena vimuna kuli Shukulu Kalunga vaje vakele nakutsiila mushandangala yangoco, co vanapande kuvanena kuli muka-kukombelela ku cikolo ca Mbalaka nakuvatsiilako kupwa milambu ya kulitombola.

VaLevi 3:11

Co muka-kukombelela akavyenyekele vyoshe a mutula kupwa mulambu wa vyakulya wakwenyekela kuli Shukulu Kalunga.

VaLevi 3:13

Co akakambeke livoko lyendi a mutwe wa uje cimuna nakumutsiila kulutwe lwa Mbalaka Mwakuliwanena. Co vana va Alone vakashamwine maninga ku mitambela yoshe iwana ya mutula.

VaLevi 3:16

Muka-kukombelela akenyekele vyoshe vije a mutula kupwa mulambu wa vyakulya wa kwenyeka. Vweko vwa mulambu wa vyakulya vukavwaelelesa Shukulu Kalunga. Co mazi oshe anapu a Shukulu Kalunga.

VaLevi 3:2

Uje munu akakambeke livoko lyendi a mutwe wa uje cimuna nakumutsiila ku cikolo ca Mbalaka Mwakuliwanena. Co vaka-kukombelela va ka naanga ya Alone vakashamwine maninga ku mitambela yoshe iwana ya mutula.

VaLevi 3:5

Asinoni vana va Alone vakenyekele aje mazi a mutula akamwa ya mulambu wa kwenyeka, uje ili a vitale vya tuhya. Unapu mulambu wa vyakulya, co vweko vwa mulambu ou vukavwaelelesa Shukulu Kalunga.

VaLevi 3:8

akakambeke livoko lyendi a mutwe wa uje cimuna nakumutsiila kulutwe lwa Mbalaka. Co vana va Alone vakashamwine maninga ku mitambela yoshe iwana ya mutula.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

Kulava 18:17

Oloni muna cimuna woshe wa ntwatwa nambe ngombe, nambe manga, nambe membe kesi mukamukule omwo vakevo vanapu vakukundika. Co mukashamwina maninga avo ku mutula, nakwenyeka mazi kupwa n̄ombelo ya vyakulya, co vweko vyayo vwavuvwa vukanjivwaelelesa.