VaLevi 17:5 - Livulu lya Shukulu Kalunga

⁵ Kunungulula kwa lishiko eli kunapu ngeci vanu va Isalele voshe ololo vasa kunena vimuna kuli Shukulu Kalunga vaje vakele nakutsiila mushandangala yangoco, co vanapande kuvanena kuli muka-kukombelela ku cikolo ca Mbalaka nakuvatsiilako kupwa milambu ya kulitombola.

VaLevi 17:5 Iomraidhean Croise

Kushangumuka 21:33

Avilahama wakunine muti wa tamalisiki mu Mbeleshemba, co walemesele Shukulu Kalunga Njambi wa ku myaka yoshe.

Kushangumuka 22:13

Avilahama wandukile, co wamwene lijamba lya manga nakwatiwa ku vimbinga mu liputa. Asinoni waileko nakumukwata, co wamukombelelele kupwa mulambu wa kwenyeka mukumwingisa muli munendi Isake.

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Kushangumuka 31:54

Yakomba wakombelelele n̄ombelo aje a munkinda, co walanyeleko vavushoko vwendi vakulye vyakulya vije, co valile. Valalele aje a munkinda vutsiki vuje.

1 Vimyene 14:23

Co vatungile myela yakulemesela vinjambi vangoco, vemikile vimanda vya mamanya na vimweso vya Ashela mukuvilemesa akamwa ya malundu, na mwisi ya minzinze ya miti.

1 Vimyene 3:2

Vanu vakele nakukombelela vin̄ombelo a mitula yakuliseza-seza, te kanda vacitungile Shukulu Kalunga Njuvo.

1 Vimyene 3:3

Solomoni wazemene Shukulu Kalunga, co wakavele mashiko a ishe Ndaviti, oloni watsiile lalo vimuna nakuvakombelela kupwa vin̄ombelo a mitula yakuliseza-seza.

2 Vimyene 16:4

Oloni Ahaze wakombelelele vin̄ombelo nakwenyekela insense ku mitambela kuje vakele nakulemesela vaje vaka-kujeneka kukulaela, a malundu, na mwisi ya minzinze yoshe ya miti.

2 Vimyene 17:10

Co a malundu oshe, na mwisi ya minzinze yoshe ya miti, vashimbikilemo vimanda vya mamanya na vifwa vya Ashela njambi wa munakazi,

2 Mizimbu 28:4

Oloni mitambela ije vakele nakulemesela vaje vaka-kujeneka kukulaela, a malundu na mu minzinze yoshe ya miti yakutonola, Ahaze lalo nendi wakele nakukombelelako vin̄ombelo vya kwenyeka na kwenyekelako insense.

Kutuuka 24:5

Asinoni watumine vakwenje, co venyekele vin̄ombelo kuli Shukulu Kalunga nakukombelela vingombe kupwa milambu ya kulitombola.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

Ezekiyele 43:27

Omo simano ineti, co vaka-kukombelela vakashangumuka kulambwila a mutula, milambu ya kwenyeka, na milambu ya vanu ya kulitombola. Asinoni njikavwaelela neni voshe. Munjinendeka yange Kalunga wa Akamwa ya Vyoshe.”

Ezekiyele 44:15

Shukulu Kalunga wa Akamwa ya Vyoshe wendekele ngwendi, “Vaka-kukombelela vaje vanakundama ku muyati wa Levi va ku naanga ya Zandoke, nameme ngoco, vakele nakunjipangela na kulongwa mu Njuvo yange, omo vanu va Isalele vatengulukile kutunda kuli yange. Ngecivene, ololo vakevo lika vakanjipangela nakwija ku mesho ange nakunjikombelela vin̄ombelo vya mazi na maninga.

VaLevi 17:4

oloni nga kamunenele ku cikolo ca Mbalaka Mwakuliwanena nakumukombelela kupwa mulambu kuli Shukulu Kalunga napokola Lishiko. Ali na mulonga wakwitila maninga. Co uje munu kuvakamulava lalo kupwa munu wa Njambi embwe.

VaLevi 17:6

Muka-kukombelela akashamwine maninga ku mitambela ya mutula ku cikolo ca Mbalaka nakwenyeka mazi ngeci lwengo lwaluvwa luvwaelelese Shukulu Kalunga.

Kwituluka mu Mashiko 12:2

Mu lifuti lije limukashwana mukanyongesa myela yoshe ije vakalemesela vanu vinjambi vavo a minkinda, na a malundu, na mu minzinze ya miti.