VaLevi 17:15 - Livulu lya Shukulu Kalunga

¹⁵ “Munu woshe-iwoshe, nambe kaIsalele, nambe muka-kwija, uje alya situ ya kasitu wakulitsila, nambe wakutsiya ku vikashama, napande kukusha vuzalo vwendi, co ajwele a muvila wendi, co akapwa wakujeneka kujela noo ku cingwezi, asinoni akajela.

VaLevi 17:15 Iomraidhean Croise

Kutuuka 22:30

Lambuleni kuli yange vingombe veni, na vimanga veni vaje vakulivanga kusemuka. Co vimuna vaje vakulivanga kusemuka vakakala na vaina matangwa atanu na avali, co a litangwa lyamucitanu na atatu mukavalambula kuli yange.

Kutuuka 22:31

“Yeni munapu mu vanu vange vakujela, kumwapandele kulya situ ya kasitu uje ivanakwata ku vikashama, oloni yaneni tutali.

Ezekiyele 4:14

Oloni njakumbulwile ngwange, “Embwe, Shukulu Kalunga wa Akamwa ya Vyoshe! Yange kunjalijwalesele. Tunde ku vwanike vwange, kunjalile situ ya kasitu wakulitsila nambe wakuliwa ku cikashama. Kunjalile vyakulya vyakujwala.”

Ezekiyele 44:31

Vaka-kukombelela kuvapandele kulya kazila woshe-iwoshe wakulitsila, nambe kasitu wakulitsila, nambe wakutsiya ku mukwavo kasitu.”

VaLevi 11:24

“Co woshe uje akakwata a mitunu ya tusitu ava va kutsa akapwa wakujeneka kujela noo ku cingwezi,

VaLevi 11:25

tusitu voshe va vimbemba, kuvanga vimbemba vyavo vyakutyangunuka, vaka-kulekula nakuseka,

VaLevi 11:27

Woshe uje akambata mitunu yavo ya kutsa napande kukusha vuzalo vwendi,

VaLevi 11:28

oloni akapwa wakujeneka kujela, noo ku cingwezi.

VaLevi 11:31

Woshe uje akwata a mitunu yavo ya kutsa akapwa wakujeneka kujela noo ku cingwezi.

VaLevi 11:32

Co nga mitunu yavo ya kutsa iwila a cuma cimo, cikapwa cakujeneka kujela. Eci cinakundama ku vivala vyoshe vya viti, nambe nanga, nambe cilambu, nambe cikeleya, nambe kuvacipangesa mu ngila ika indi ika, cikapwa cakujeneka kujela. Co cije cuma vakacimbwitike mu mema, oloni cikapwa cakujeneka kujela noo ku cingwezi.

VaLevi 11:39

“Nga cimuna umo wakulya atsa, co woshe amukwata akapwa wakujeneka kujela noo ku cingwezi.

VaLevi 11:40

Co nga munu umo alya ku situ ya uje cimuna wa kutsa, napande kukusha vuzalo vwendi, oloni ikeye akapwa wakujeneka kujela noo ku cingwezi.

VaLevi 15:10

Munu woshe uje akwata a cuma cimo aje anatumbama uje munalume akapwa wakujeneka kujela noo ku cingwezi. Munu woshe akambata cuma cimo aje anatumbama uje munalume napande kukusha vuzalo vwendi, co akajwele a muvila wendi, co ikeye akapwa wakujeneka kujela noo ku cingwezi.

VaLevi 15:21

Co woshe uje akwata ku vulili vwendi nambe a cuma cimo canatumbamene,

VaLevi 15:5

Munu woshe uje akwata a vulili vwendi

VaLevi 22:8

Kesi akalye situ ya kasitu wakulitsila, nambe uje naliwa ku vikashama, eci cikamujwalesa. Yange njapwa Kalunga.

VaLevi 7:24

Mazi a cimuna wakulitsila, nambe wakuliwa ku cikashama kuvapandele kuwalya, oloni vawapangese ku vyuma vyeka.

Kulava 19:19

Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.

Kulava 19:21

Munapande kunyunga mashiko awa simbu yoshe ya kulutwe. Co woshe uje ashamwina mema akulijelesa napande kukusha vuzalo vwendi, na woshe uje akwata a mema akujelesa akapwa wakujeneka kujela noo ku cingwezi.

Kulava 19:8

Co uje munu nenyeka ngombe napande kukusha vuzalo vwendi nakulitazela mema a muvila wendi, oloni ikeye anga kajelele noo ku cingwezi.

Kwituluka mu Mashiko 14:21

“Kesi mukalye kasitu woshe-iwoshe wakulitsila embwe. Mwaneni kuli vaka-kwija vaje valinakukala akati keni, nambe kumulandesa kuli vaka-kwija veka, omwo yeni mwapwa mu vanu va Shukulu Kalunga Njambi yeni. “Kesi mukateleke muna membe mu mavele a vaina embwe.

Kujombolola 7:14

Co njakumbulwile ngwange, “Mwane, yange kunjizivuka, yove uzivuka.” Co wendekele kuli yange ngwendi, “Ava vakevo vanu vanatundu mu n̄avava yakama kujeneka vushonde. Co vanakushu vuzalo vwavo nakuvutokesa too mu maninga a Muna Manga.