VaLevi 16:5 - Livulu lya Shukulu Kalunga

⁵ “Co ku mbunga ya vaIsalele Alone akambateko majamba vavali va vimembe kupwa n̄ombelo ya a vuvi, na lijamba lya manga umo kupwa n̄ombelo ya kwenyeka.

VaLevi 16:5 Iomraidhean Croise

2 Mizimbu 29:21

Vanenele vingombe va nkomba vatanu na vavali, na majamba a vimanga vatanu na vavali, na vana va vimanga vatanu na vavali, na majamba a vimembe vatanu na vavali, kupwa n̄ombelo yakutundisa vuvi vwa vaka-naanga ya vumwene na vanu va mu Yunda, nakujelesa Njuvo ya Shukulu Kalunga. Co mwene walekele vaka-kukombelela vatekulwila va Alone vakombelelele vin̄ombelo evi a mutula.

Ezela 6:17

Akukundika Njuvo ya Shukulu Kalunga vakombelelele vingombe vakupwa 100, na vimanga vakupwa 200, na vana va vimanga vakupwa 400, na vimembe likumi na vavali kupwa vin̄ombelo vya a vuvi, membe umo na umo kwimanena muyati umo na umo wa Isalele.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 8:14

Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna.

VaLevi 8:2

“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima.

VaLevi 9:2

Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka.

Kulava 29:11

Co lalo mukakombelela lijamba lya membe umolika kupwa n̄ombelo ya a vuvi, kuwezelela ku membe wakujelesa vanu, na n̄ombelo ya kwenyeka ya a litangwa na litangwa, na n̄ombelo yayo ya vimbuto, na n̄ombelo yayo ya vinyu.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.