VaLevi 16:34 - Livulu lya Shukulu Kalunga

³⁴ Lishiko eli mukalinyunge ku simbu yoshe ya kulutwe mukwambesa vanu voshe va Isalele lumo a mwaka mukutundisa vuvi vwavo vwoshe.” Co Mosesa walingile ngwe muje mwamushikile Shukulu Kalunga.

VaLevi 16:34 Iomraidhean Croise

Kutuuka 27:21

Alone na vana vendi vakevo vakaka vindeya mu Mbalaka anja ya livamba lije lili kulutwe lwa Cikasa ca Cikumiiyo. Co vikashukuma ku mesho ange kutunda ku cingwezi nakweta ku mutondo. Co vaIsalele na vatekulwila vavo vakanyunge kushika oku.

Kutuuka 30:10

Co Alone akaambesa mutula lumo a mwaka akwaka maninga a vyakushongomoka vyawo viwana, akavyambesa na maninga a mulambu wa a vuvi lumo a mwaka mu visemwa vyeni vyoshe vya kulutwe. Mutula ou wapwa wakujela kuli yange Kalunga.”

Kutuuka 39:43

Co Mosesa welwile vyuma vyoshe, wamwene ngeci vanavilingi vyoshe ngwe muje mwashikile Shukulu Kalunga vene. Co Mosesa wavavezikisile.

VaLevi 16:2

Co Shukulu Kalunga wendekele ngwendi, “Leka ndolome yove Alone ngwove, kuvanga a simbu ije lika vemika ikeyo yakaita kunima ya livamba mukukovela mu Mwela Wakujela Manene, omwo muje mukemwo munjikasholokela mu lishelwa akamwa ya cifwiko ca Cikasa ca Cikumiiyo. Nga kononoka, co akatsa.

VaLevi 17:1

Shukulu Kalunga wendekele kuli Mosesa ngwendi,

VaLevi 23:28

Kesi mukapange vipangi a litangwa lije, omwo likelyo linapu Litangwa lya Kulyamba, mukumyambesa ku mesho a Shukulu Kalunga Njambi yeni.

VaLevi 23:31

Kesi mukapange vipangi vimo. Eli likapwa lalo lishiko lya vatekulwila veni voshe kwoshe kuje kuvakakala.

VaLevi 24:23

Omo Mosesa nendeka evi kuli vanu vaIsalele, co vatuwisile anja ya cilombo uje munalume washawile lizina lya Njambi, co vamwashele mamanya. Mu ngila eyi vanu vaIsalele valingile vije Shukulu Kalunga washikile Mosesa.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

Kulava 29:7

“A litangwa lyamulikumi ku ngonde yamucitanu na vivali mukakala na cikungulukilo cakujela, co kesi mukalye vyakulya, nambe kupanga vipangi.

VaHevelu 10:14

Ngecivene, a n̄ombelo imo, najelesa voshe vaje vanajele ku vuvi.

VaHevelu 10:3

Nameme ngoco, vin̄ombelo vyakele nakupanga a mwaka na mwaka mukwanukisa vanu vivi vyavo.

VaHevelu 9:25

Muka-kukombelela Wakama wa vaYunda wakele nakukovela ku Mwela Wakujela Manene a mwaka na mwaka na maninga a tusitu. Oloni Kilistu kalikombelelele visimbu vyavingi embwe,

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.