VaLevi 16:31 - Livulu lya Shukulu Kalunga

³¹ Litangwa lije linapu litangwa lyakujela, likelyo mukalikela kulya nakupanga. Lishiko eli munapande kulinyunga ku simbu yoshe ya kulutwe.

VaLevi 16:31 Iomraidhean Croise

Ezela 8:21

Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Kutuuka 31:15

Matangwa atanu na limo mukapanga vipangi vyeni, oloni a litangwa lyamucitanu na avali likapwa litangwa lyakujela lyakuhwima omo lyakundama kuli yange Kalunga. Co woshe uje akapanga a litangwa lije napande kutsa.

Kutuuka 35:2

Mukapanga vipangi vyeni a matangwa atanu na limo, oloni a litangwa lyamucitanu na avali linapu lyakujela, Litangwa Lyakuhwima valikundika kuli Shukulu Kalunga. Woshe akapanga vipangi a litangwa eli vanapande kumutsiya.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Isaya 58:5

Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

Ndanyele 10:12

Asinoni wendekele ngwendi, “Ndanyele, kesi uzive lyova. Njambi nazivi malombelo ove kutunda a litangwa lyakulivanga lije wayongwele kulikeesa ngeci wase kuzivisisa. Yange njinaija mukukumbulula ku lilombelo lyove.

VaLevi 23:32

Kutunda kukulauka kwa litangwa, a litangwa lyamucitanu na awana ku ngonde eyi vene, nakutwala kukulauka kwa litangwa lyamulikumi, mukanyunga mwamuvwa litangwa eli kupwa litangwa lyakama lyakuhwima, co a simbu eyi kesi mukalye cuma cimo.”

VaLevi 25:4

Oloni mu mwaka wamucitanu na ivali ukapwa mwaka woshe wakuhwima mu lifuti, ukewo mwaka vakundika kuli Shukulu Kalunga. Kesi mukakuve mbuto mu mahya eni nambe kunonga minango ya vushuka vwa vinyu mu mahya.