VaLevi 16:30 - Livulu lya Shukulu Kalunga

³⁰ omo ku litangwa lije vakamyambesa mukumijelesa ku vuvi vweni vwoshe, co mukapwa vakujela ku mesho a Shukulu Kalunga.

VaLevi 16:30 Iomraidhean Croise

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Myaso 51:2

Njijwelese ku vuvi vwange, na ku kupenga-penga kwange!

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

VaLevi 23:27

“A litangwa lyamulikumi ku ngonde yamucitanu na vivali likapwa Litangwa lya Kulyamba a mwaka na mwaka. A litangwa lije kesi mukalye cuma cimo. Mukakunguluka amo nakulemesa nakulambula mulambu wa vyakulya kuli Shukulu Kalunga.

VaLevi 23:28

Kesi mukapange vipangi a litangwa lije, omwo likelyo linapu Litangwa lya Kulyamba, mukumyambesa ku mesho a Shukulu Kalunga Njambi yeni.

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.