VaLevi 16:29 - Livulu lya Shukulu Kalunga

²⁹ “Eli likelyo lishiko munapande kunyunga simbu yoshe ya kulutwe. A litangwa lyamulikumi ku ngonde yamucitanu na vivali, vaIsalele na vaka-kwija, vaje valinakukala akati keni, vanapande kulikela kulya*. Co lalo kuvapandele kupanga cipangi cimo embwe,

VaLevi 16:29 Iomraidhean Croise

1 Vimyene 8:2

Co voshe vezile ku Ciwano ca Mapapela mu ngonde yamucitanu na vivali ngonde ya Etanime.

Ezela 3:1

Ku ngonde yamucitanu na vivali vanu va Isalele voshe vatungile mu vinganda vyavo. Asinoni voshe vakungulukilile mu Yelusalema,

Ezela 8:21

Co kuje vene ku ndonga ya Ahava njaanene mashiko kuli yetu voshe, akulikela kulya na kulikeesa ku mesho a Njambi yetu, nakumulomba ngeci atutwamenene ku vungenzi vwetu nakutunyunga yetu, na vana vetu, na vufuko vwetu vwoshe.

Myaso 35:13

Oloni omo vakele nakuvinja, njazalele cikeleya, co njalikeesele nakulikela kulya, njalombelele nakulikulamena,

Myaso 69:10

Njalilile nakulikela kulya, oloni vanu angavene vanjishawile

Kutuuka 12:16

A litangwa lyakulivanga, co lalo a litangwa lyamucitanu na avali, mukakunguluka nakunjilemesa. Co kesi mukapange a matangwa aje, oloni kuvwaesa lika vyakulya.

Kutuuka 20:10

oloni litangwa lyamucitanu na avali likelyo likapwa Litangwa Lyakuhwima lije limukakundika kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni.

Kutuuka 30:10

Co Alone akaambesa mutula lumo a mwaka akwaka maninga a vyakushongomoka vyawo viwana, akavyambesa na maninga a mulambu wa a vuvi lumo a mwaka mu visemwa vyeni vyoshe vya kulutwe. Mutula ou wapwa wakujela kuli yange Kalunga.”

Kutuuka 31:14

Ngecivene, munapande kunyunga Litangwa Lyakuhwima, omwo likelyo linapu lyakujela. Co woshe uje kalinyungu, oloni apanga a litangwa lije, napande kutsa.

Kutuuka 31:15

Matangwa atanu na limo mukapanga vipangi vyeni, oloni a litangwa lyamucitanu na avali likapwa litangwa lyakujela lyakuhwima omo lyakundama kuli yange Kalunga. Co woshe uje akapanga a litangwa lije napande kutsa.

Isaya 58:13

Shukulu Kalunga alinakwendeka ngwendi, “Nga munyunga Litangwa Lyakuhwima kupwa lyakujela, co mulikela kukava mashungu eni vavenya a litangwa lije, nga musingimika litangwa lyange lyakujela nakulyononoka nakulikela kwenda, nakupanga, nambe kwendeka mumunashakela a litangwa lije,

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Isaya 58:5

Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

Ndanyele 10:12

Asinoni wendekele ngwendi, “Ndanyele, kesi uzive lyova. Njambi nazivi malombelo ove kutunda a litangwa lyakulivanga lije wayongwele kulikeesa ngeci wase kuzivisisa. Yange njinaija mukukumbulula ku lilombelo lyove.

Ndanyele 10:3

Kunjalile vyakulya vyavivwa nambe kulya situ, nambe kunwa vinyu, nambe kusakula vin̄ambu vyange noo visimano vitatu vyetile.

VaLevi 23:21

A litangwa lije naumo wai akapanga vipangi vyendi vya a litangwa na litangwa, oloni mukakunguluka nakulemesa. Co lishiko eli vanapande kulinyunga vatekulwila veni ku visemwa vyeni vyoshe vya kulutwe kwoshe kuje kumukakala.

VaLevi 23:3

Muli na matangwa atanu na limo muje mwasa kulinga vipangi vyeni, oloni anukeni litangwa lyamucitanu na avali lyapwa Litangwa Lyakuhwima. A litangwa lije kesi mukapange vipangi, oloni mukakunguluka nakulemesa. Litangwa Lyakuhwima lyapwa lya Shukulu Kalunga, kwoshe kuje mulinakukala.

VaLevi 23:36

Litangwa na litangwa lyamucitanu na avali mukakombelela n̄ombelo ya vyakulya kuli Shukulu Kalunga. Co a litangwa lyamucitanu na atatu mukakunguluka amo nakulemesa, co mukakombelela n̄ombelo ya vyakulya kuli Shukulu Kalunga. Linapu litangwa lyakama lyakulemesa, co kesi mukapange vipangi vyeni vya a litangwa na litangwa.

VaLevi 25:9

Ngecivene, a litangwa lyamulikumi ku ngonde yamucitanu na vivali, likapwa Litangwa lya Kulyamba, mukatuma munu wakwimba lupembo mu lifuti lyoshe.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

Kulava 29:7

“A litangwa lyamulikumi ku ngonde yamucitanu na vivali mukakala na cikungulukilo cakujela, co kesi mukalye vyakulya, nambe kupanga vipangi.

Vilinga vya Miluwa 27:9

Twakele kuje simbu yakama manene, noo kwakele vushonde mu vungenzi vwetu, omwo a simbu ino Litangwa lya Kulyamba lineti laja. Ngwe mwavanangwile Paulu ngwendi,

1 Kolinte 11:31

Oloni nga tuliilula yetu vavenya akulivanga, co Njambi kakatuhisa.

VaHevelu 4:10

Omwo woshe uje akakovela mukuhwima kuje kwakulaesele Njambi akahwima ku vipangi vyendi ngwe mwahwimine Njambi ku vipangi vyendi.

1 Samwele 7:6

Co voshe vakungulukilile ku Mizipa. Vatekwile mema nakuwetila kupwa n̄ombelo kuli Shukulu Kalunga, co valikelele kulya litangwa lyoshe lyamutunu. Co vendekele ngwavo, “Tunalingi vuvi ku mesho a Njambi.” Ngecivene, Samwele waakwilile vanu va Isalele ku Mizipa.