VaLevi 16:21 - Livulu lya Shukulu Kalunga

²¹ Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 16:21 Iomraidhean Croise

Ezela 10:1

Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 51:3

Omwo njizivuka milonga yange, co vuvi vuli ku mesho ange simbu yoshe.

Kutuuka 29:10

“Co nena ngombe wa nkomba kulutwe lwa Mbalaka Mwakuliwanena, leka Alone na vana vendi ngeci vakambeke mavoko avo a mutwe wa ngombe wa nkomba,

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 16:20

“Omo Alone namanesa kwambesa Mwela Wakujela Manene, na Mbalaka Mwakuliwanena, na mutula, co akanene uje membe wa mwonyo kuli Shukulu Kalunga uje ivaangwilile Azazele.

VaLevi 16:22

Co uje membe na uje munu vakambata vuvi vwoshe vwa vaIsalele nakuya navwo mu mambo.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

VaLevi 5:5

“Nga munu nalingi mulonga, alitavele vuvi vwendi vuje vwanalingi,

Loma 10:10

Omwo akukulaela kwetu mukemwo vanatupwisa vaka-vushunga ku mesho a Njambi, akulitavela kwetu mukemwo tukovoka.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.