VaLevi 15:27 - Livulu lya Shukulu Kalunga

²⁷ Woshe avikwata nendi kajelele, napande kukusha vuzalo vwendi, ajwele a muvila wendi, co akapwa wakujeneka kujela noo ku cingwezi.

VaLevi 15:27 Iomraidhean Croise

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ezekiyele 36:29

Njikamyamena ku vyuma vyoshe vije vikamijwalesa. Njikamenesa vimbuto ngeci vikapwe vyavingi, ngeci kesi mukakale lalo na njala ya lyangengela.

VaLevi 11:24

“Co woshe uje akakwata a mitunu ya tusitu ava va kutsa akapwa wakujeneka kujela noo ku cingwezi,

VaLevi 15:13

Uje munu omo nakanguka kukususula kwendi, napande kuvandamena matangwa atanu na avali, asinoni akusha vuzalo vwendi, co ajwele mu mema amavwa a mu lisima lya kavwelu-vwelu, co ikeye akapwa wakujela.

VaLevi 15:21

Co woshe uje akwata ku vulili vwendi nambe a cuma cimo canatumbamene,

VaLevi 15:26

“Vulili vwoshe vuje vwalinakulala, nambe a cuma cimo cije cali nakutumbama a simbu ije kucajelele.

VaLevi 15:28

Oloni nga uje munakazi akwata ku liko akakale matangwa atanu na avali, asinoni akapwa wakujela.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Kulava 19:22

Cuma coshe cije akwata munu wakujeneka kujela cikapwa cakujeneka kujela vene. Munu woshe uje acikwata akapwa wakujeneka kujela noo ku cingwezi.”

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.