VaLevi 14:7 - Livulu lya Shukulu Kalunga

⁷ Co akashamwine aje maninga visimbu vitanu na vivali ali uje munu ivanajelesa ku mushongo wendi wa a cikonde wakulitambwisa, asinoni akamutumbule ngwendi najele. Co ikeye akecela uje kazila wa mwonyo ngeci aliile mwoshe-imwoshe.

VaLevi 14:7 Iomraidhean Croise

2 Vimyene 5:10

Co Elisha watumine ngamba yendi nakuleka Namane ngeci aye ku Ndonga ya Yondau mukujwela visimbu vitanu na vivali, co mwa vushunga vene akakanguka ku mushongo wendi wa mbumba.

2 Vimyene 5:14

Ngecivene, Namane washelumukilile ku Ndonga ya Yondau, co wambwitamenemo visimbu vitanu na vivali, ngwe muje mwamulekele Elisha, co mwa vushunga vene wakangukile. Cikonde cendi capwile cacivwa lalo ngwe ca mwanike wamundondo.

Myaso 51:2

Njijwelese ku vuvi vwange, na ku kupenga-penga kwange!

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

VaLevi 13:13

co muka-kukombelela akamwilula lalo. Nga ikeye akawana ngeci cili najauka laja muvila woshe, co akamutumbule ngwendi najele, omwo cikonde cendi coshe cinapu cakutoka, co napu wakujela.

VaLevi 13:17

co ikeye akamwilula lalo. Co nga ije mbandu inapu lalo yakutoka, co akapwe wakujela, co muka-kukombelela akamutumbule ngwendi najele.

VaLevi 14:51

Asinoni akanone tuviti tuje twa kendale, na hisope, na mukole wakuvenga, na kazila wa mwonyo, co akavimbwitike mu maninga akazila uje ivanatsiile, na mu mema aje amavwa. Co akashamwine a njuvo visimbu vitanu na vivali.

VaLevi 16:14

Co akanoneko maninga amo a uje ngombe wa nkomba nakumbwitikamo mulavo wendi nakuwashamwina kulutwe lwa cifwiko. Asinoni ashamwineko amo visimbu vitanu na vivali akamwa na kulutwe lwa Cikasa ca Cikumiiyo.

VaLevi 16:19

Co napande kushamwina maninga amo a mutula na mulavo wendi visimbu vitanu na vivali. Mu ngila eyi akajelesa mutula ku vuvi vwa vanu va Isalele nakuupwisa wakujela.”

VaLevi 16:22

Co uje membe na uje munu vakambata vuvi vwoshe vwa vaIsalele nakuya navwo mu mambo.

VaLevi 4:17

akambwitike mulavo wendi mu maninga akawashamwine kulutwe lwa livamba visimbu vitanu na vivali.

VaLevi 4:6

Co akambwitike mulavo wendi mu maninga nakuwashamwina kulutwe lwa livamba lyakujela visimbu vitanu na vivali.

VaLevi 8:11

Co wanoneleko mazi amo, waashamwinine a mutula visimbu vitanu na vivali na a vivala vyawo, na a mbashiya, na a lisanda lyayo ngeci vipwe vyakujela kuli Shukulu Kalunga.

Mika 7:19

Ukatuzivila mema ku mbunge lalo. Ukalyatangela vuvi vwetu nakuvushekela a masima kwisi ya mema a kalunga.

Kulava 19:12

Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe.

Yowano 19:34

Umo wa vaje mashwalale, wativile Yesu likunga ku vimati, co aje vene maninga na mema vyetikile. (

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 12:24

Yeni munaija kuli Yesu, uje navwaesa cikumiiyo caciha, nakukushamwina kwa maninga anatukulaesa vyuma kutuvakana maninga a Avele.

VaHevelu 9:13

Maninga a vimembe na vingombe va nkomba na lito lyakwenyeka lya vana va vingombe vavishamwinine ali vanu vaje nakuvajelesa ku milonga yavo, co livajelesa nakutundisa kujwala kwavo.

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

VaHevelu 9:21

Mu cifwa eci vene lalo, Mosesa wakele nakushamwina maninga a Mbalaka Mwakuliwanena na akamwa ya vyuma vyoshe vije vakele nakupangesa a simbu yakulemesa.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

1 Yowano 5:6

Yesu Kilistu ikeye wezile na mema akumbwitika kwendi na maninga a kutsa kwendi. Kezile lika na mema, oloni wezile na vyoshe vivali mema na maninga.