VaLevi 14:22 - Livulu lya Shukulu Kalunga

²² Co lalo akanene tutela vavali, nambe mayembe vavali. Umo apwe wa n̄ombelo ya a vuvi, co mukwavo apwe wa n̄ombelo ya kwenyeka.

VaLevi 14:22 Iomraidhean Croise

Myaso 68:13

nameme mulala mukati ka limba lya vimanga, oloni mukafwa ngwe mambava a liyembe akulameka na siliva, na maunga endi akulameka na ngolinde yavushompo.”

Myaso ya Solomoni 2:14

Yove unafu ngwe katela uje wakala mu myanzi ya mamanya. Njimwese cihanga cove cacivwa, co njizive lalo lijwi lyove lyalivwa.

Isaya 38:14

Lijwi lyange lyapwile lyalindondo nakuzeya, co njalinyengele ngwe katela. Mesho ange ajukile nakukenga kuli yove. Shukulu Kalunga, njamene ku tuyando twoshe otu.

Isaya 59:11

Tuli na lyova na vusiwa. Tushaka Njambi atwamene ku tuyando na vuvi, oloni nacimo cilingiwa cai.

Njelemiya 48:28

“Yeni vanu muli mu Mowavi, pweni ngwe katela uje atungila lishwa lyendi kumukulo wa linzenzengoma.

Ezekiyele 7:16

Vamo vakatewela ku minkinda ngwe tutela vaje vanatewa mu vyana. Voshe vakaziva vusiwa omwo vuvi vwavo.

VaLevi 14:21

Nga uje munu napu kautu, kasa kunena vyoshe evi, co akanene lika muna manga umo wa lijamba kupwa n̄ombelo ya kuliilwisila mukumujelesa. Ikeyo ikapwa n̄ombelo ya kuliilwisila, vwana vwavuvwa kuli Shukulu Kalunga kupwa vwa muka-kukombelela. Ikeye akanene lika kilo imo ya vunga vwakutsingasana na mazi a olive, kupwa mulambu wa vimbuto vya vinona, na litambelo lya lita lya mazi a olive.

VaLevi 14:24

Co muka-kukombelela akatwale muna manga, na mazi a olive, co akavyane kuli Shukulu Kalunga kupwa vwana vwavuvwa vwa muka-kukombelela.

VaLevi 15:14

Co a litangwa lyamucitanu na atatu akatwale tutela vavali nambe mayembe vavali ku cikolo ca Mbalaka Mwakuliwanena nakuvana kuli muka-kukombelela.

VaLevi 5:7

“Oloni nga munu onwa kunena manga nambe membe, co uje munu napande kunena kuli Shukulu Kalunga tutela vavali nambe mayembe vavali, kupwa mulambu wa mulonga wendi a vuvi vuje vwanalingi. Kazila umo akapwa wa mulambu wa a vuvi, co mukwavo wa mulambu wa kwenyeka.

Kulava 6:10

A litangwa lyamucitanu na atatu akatwale tutela vavali nambe mayembe vavali kuli muka-kukombelela ku cikolo ca Mbalaka Mwakuliwanena.