VaLevi 14:18 - Livulu lya Shukulu Kalunga

¹⁸ Co akaake aje mazi oshe anasala mu mbanda ya livoko lyendi a mutwe wa uje munu ivakajelesa. Co mu ngila eyi muka-kukombelela akamwambesa ku mesho a Shukulu Kalunga.

VaLevi 14:18 Iomraidhean Croise

Kutuuka 29:7

Asinoni ambata mazi akumuvwavesa, etile a mutwe wendi, co muvwavese.

VaLevi 14:17

Co akanoneko mazi amo a mu mbanda ya livoko lyendi, na maninga amo a muna manga, nakuwakwita ku shongo-shongo ya litwi lyendi lya cilyo, na ku mulavo wa linyetete lya ku livoko lyendi lya cilyo, na ku linasha lya linyetete lya ku lindi lyendi lya cilyo lya uje munu ivakatumbula kupwa wakujela.

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:26

Asinoni akenyekele mazi oshe a cimuna a mutula, ngwe mwakenyeka mazi a vimuna vakutsiila a milambu ya kulitombola. Co mu ngila eyi muka-kukombelela akaambesa uje ntwama ku vuvi vwendi, co vakamusambesa.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:35

Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 5:16

Co ikeye napande kwingisamo vyuma vije vyanavulumwine vyakujela, nakwakelako litambelo makumi avali. Ikeye akavyane kuli muka-kukombelela, co muka-kukombelela akakombelela cimuna uje wa a vuvi vwa uje munu mukumwambesa, co vakamusambesa.

VaLevi 8:12

Co ikeye wetilile mazi amo akuvwava a mutwe wa Alone nakumuvwavesa mukumujelesa.

Kulava 15:28

Co kuje ku mutula muka-kukombelela akajelesa uje munu navulumuna mulonga wa ku nzimba, co vakamusambesa.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.