VaLevi 14:17 - Livulu lya Shukulu Kalunga

¹⁷ Co akanoneko mazi amo a mu mbanda ya livoko lyendi, na maninga amo a muna manga, nakuwakwita ku shongo-shongo ya litwi lyendi lya cilyo, na ku mulavo wa linyetete lya ku livoko lyendi lya cilyo, na ku linasha lya linyetete lya ku lindi lyendi lya cilyo lya uje munu ivakatumbula kupwa wakujela.

VaLevi 14:17 Iomraidhean Croise

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

VaLevi 14:14

Co muka-kukombelela akanoneko maninga amo a muna manga nakuwaka ku shongo-shongo ya litwi lyendi lya cilyo, na ku mulavo wa linyetete lya ku livoko lyendi lya cilyo, co na ku linasha lya linyetete lya ku lindi lyendi lya cilyo lya uje munalume ivakatumbula kupwa wakujela.

VaLevi 14:16

co akambwitike mulavo wa livoko lyendi lya cilyo muje mu mazi, co akashamwine amo visimbu vitanu na vivali kuje ku mesho a Shukulu Kalunga.

VaLevi 14:18

Co akaake aje mazi oshe anasala mu mbanda ya livoko lyendi a mutwe wa uje munu ivakajelesa. Co mu ngila eyi muka-kukombelela akamwambesa ku mesho a Shukulu Kalunga.

VaLevi 8:23

Co Mosesa wamutsiile wanoneleko maninga amo nakuwakwita ku shongo ya litwi lya cilyo lya Alone, na ku mulavo wa linyetete lya ku livoko lyendi lya cilyo, na ku linyetete lya linasha lya lindi lyendi lya cilyo.

VaLevi 8:30

Co Mosesa wanoneleko mazi akuvwava, na maninga amo aje akele a mutula nakuwashamwina ali Alone na a vuzalo vwendi, co lalo na ali vana vendi na a vuzalo vwavo. Mu ngila eyi wajelesele Alone na vuzalo vwendi, na vana vendi, na vuzalo vwavo amo kuli Shukulu Kalunga.

Yowano 1:16

Co akushula na kutetela kwendi watuvezikisile tuvoshe, watwanene vivezikiso kuwezelela a vivezikiso vikwavo.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.