VaLevi 14:10 - Livulu lya Shukulu Kalunga

¹⁰ “A litangwa lyamucitanu na atatu akanene majamba a vana va vimanga vavali, na muna manga umo wa lwavo wa mwaka umo vaje kuvesi na kapenga, na makilo atatu a vunga vwavuvwa vwakuseneta, na mazi a olive na litambelo lya lita lya mazi a olive.

VaLevi 14:10 Iomraidhean Croise

Kutuuka 29:40

Co amo na muna manga wakulivanga lambula kilo imo ya vunga vwavuvwa vwakuseneta vwakukumbasana na lita imo ya mazi amavwa a olive. Co itilao lalo lita imo ya vinyu kupwa mulambu.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 1:3

nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 14:11

Co muka-kukombelela akatwale uje munu, amolika na n̄ombelo yendi, ku cikolo ca Mbalaka Mwakuliwanena.

VaLevi 14:12

Asinoni muka-kukombelela akambateo umo lijamba a vaje vana va vimanga nakumukombelela kupwa n̄ombelo ya kuliilwisila, amolika na lita ya litambelo lya mazi. Co akavikombelele kupwa n̄ombelo ya kuliilwisila. Co akavyane kuli Shukulu Kalunga kupwa vwana vwavuvwa vwa muka-kukombelela.

VaLevi 14:15

Asinoni muka-kukombelela akanoneko mazi amo a olive nakuwetila mu mbanda ya livoko lyendi vavenya lya cimoshwe,

VaLevi 14:21

Nga uje munu napu kautu, kasa kunena vyoshe evi, co akanene lika muna manga umo wa lijamba kupwa n̄ombelo ya kuliilwisila mukumujelesa. Ikeyo ikapwa n̄ombelo ya kuliilwisila, vwana vwavuvwa kuli Shukulu Kalunga kupwa vwa muka-kukombelela. Ikeye akanene lika kilo imo ya vunga vwakutsingasana na mazi a olive, kupwa mulambu wa vimbuto vya vinona, na litambelo lya lita lya mazi a olive.

VaLevi 2:1

“Omo munu umo akalambula mulambu wa vimbuto vya vinona kuli Shukulu Kalunga, akulivanga napande kuvilola vunga vwavuvwa vwakuseneta. Co napande kwakao mazi a olive na insense,

VaLevi 2:11

“Kukwesi mulambu wa vimbuto vya vinona vije vimukanena kuli Shukulu Kalunga vimukalinga na musima. Kumwapandele kupangesa musima nambe vuki mu vyakulya vije vimukalambula kuli Shukulu Kalunga.

VaLevi 2:13

Co a mulambu woshe wa vimbuto vya vinona munapande kutovao mwongwa, omwo mwongwa wimanena cikumiiyo akati keni na Njambi. (Munapande kutova mwongwa a milambu yeni yoshe.)

VaLevi 23:13

Amo na mulambu wa makilo avali a vunga vwakutsingasana na mazi a olive kupwa n̄ombelo ya vyakulya kuli Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga. Co amo na mulambu wa lita imo ya vinyu.

VaLevi 4:32

“Nga munu anena manga kupwa mulambu wa a vuvi, napande kupwa wa lwavo wakujeneka kapenga.

VaLevi 9:1

Co a litangwa lyamucitanu na atatu, omo vamanesele matangwa avo akuvakundika, Mosesa wasanene Alone na vana vendi, amo na vantwama va Isalele.

Kulava 28:20

Amo na cimuna umo na umo mukakombelela n̄ombelo yayo ya vimbuto vya vunga vwakulola vwavuvwa vwakuseneta vwakukumbasana na mazi a olive. Amo na ngombe wa nkomba umo na umo, mukakombelela makilo atatu a vunga, co amo na lijamba lya manga umo na umo mukakombelela makilo avali a vunga.

Kulava 6:14

co ikeye akatwale kuli Shukulu Kalunga, lijamba umo wa muna manga wa mwaka umo wakujeneka kapenga wa mulambu wa kwenyeka, na muna manga wa lwavo wa mwaka umo wakujeneka kapenga wa mulambu wa a vuvi, co na lijamba lya manga wakujeneka kapenga wa mulambu wa kulitombola.

Kulava 7:43

Co mulambu wendi wapwile lilonga limo lya siliva lyakushalamena vulemu vwalyo vwapwile makilo 1.5, na mbashiya imo ya siliva vulemu vwayo vwapwile mangilamu 800 muvuvali vwao ngwe ku vulemu vuje vemika. Muvuvali vwao ashulile na vunga vwavuvwa vwakuseneta vwakukumbasana na mazi kupwa mulambu wa vimbuto vya vinona.

Mateo 8:4

Co Yesu wamulekele ngwendi, “Tolilila! Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Mako 1:44

wendekele kuli ikeye ngwendi, “Kesi ulekeko munu umo a cuma eci embwe. Oloni ya ukalisholole kuli muka-kukombelela akakwilule, asinoni ukakombelele n̄ombelo ije yashikile Mosesa, ngweci voshe vakazivuke ngwavo vanakukangwisa.”

Luka 5:14

Yesu wamusin̄ikile ngwendi, “Kesi ulekeko munu umo cuma eci embwe, oloni ya ukalisholole kuli muka-kukombelela ngeci akakwilule, asinoni ukakombelele n̄ombelo ije yashikile Mosesa, ngeci voshe vakazivuke ngwavo vanakukangwisa.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 6:33

Omwo likende lije lyaana Njambi linapu uje atunda mwilu, co ana mwonyo kuli vaka-kaye.”

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.