VaLevi 13:45 - Livulu lya Shukulu Kalunga

⁴⁵ “Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’

VaLevi 13:45 Iomraidhean Croise

Kushangumuka 37:29

Omo Luvena welukilile ku lisima wawanene Yosefa waimo, co watavwile vuzalo vwendi omwo vusiwa.

2 Samwele 13:19

Walishuwilile lito ku mutwe wendi, co watavwile cikoveyo cendi, walikwatele mbimbi-mutwe oku aya nakulila.

2 Vimyene 7:3

Vanalume vawana vakele nakuvinja mushongo wa mbumba vakele anja ku vikolo vya nganda ya Samaliya, co valyendekesele umo na mukwavo ngwavo, “Omwo vikajo tulinakuvandamena kuno noo tutsa?

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Myaso 51:3

Omwo njizivuka milonga yange, co vuvi vuli ku mesho ange simbu yoshe.

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

Ezekiyele 24:22

Asinoni mukalinga ngwe munjinalingi yange. Kumukafwiki ku vihanga vyeni nambe kulya vyakulya vije vivakali vaka-kulila.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

VaLevi 13:44

co muka-kukombelela akamutumbule ngwendi kajelele, omwo a mushongo wa a cikonde wakulitambwisa uli a mutwe wendi.

VaLevi 21:10

“Muka-kukombelela Wakama uje vetilile mazi a mutwe wendi nakumuvwavesa, uje ivanakundika kuzala vuzalo vwa vuka-kukombelela kapandele kwecelela vin̄ambu vyendi kujeneka kuvisakula, nambe kutavula vuzalo vwendi kumwesa ngeci ali na vusiwa embwe.

Mika 3:7

Vaje vakomikiya vya kulutwe vakashauka akwonwa kumona vivomikiiye. Voshe vakavaya omwo Njambi kakavakumbulula.

Kulava 5:2

“Shika vanu va Isalele vatuwise munu woshe mu cilombo uje ali na mushongo wa a cikonde wakulitambwisa nambe mushongo wakususula, nambe munu woshe uje kajelele akwata a civimbi.

Luka 17:12

Omo wakovelele mu limbo limo, waliwanene na vanalume vaka-mbumba likumi. Vemanene kulyala,

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”