VaLevi 12:7 - Livulu lya Shukulu Kalunga

⁷ Co muka-kukombelela akakombelela n̄ombelo ya munakazi kuli Shukulu Kalunga mukutundisa vulikazi vwendi, co ikeye akajela. Ngecivene, eli likelyo lishiko lyanapande kunyunga munakazi omo nakiti mwana.

VaLevi 12:7 Iomraidhean Croise

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Yombi 14:4

Cuma nacimo cai cakujela citunda ku cuma cakujeneka kujela ngwe munu.

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 12:6

“Omo matangwa endi akulijelesa anapumo mwamuvwa, nambe ali mwana wa munalume, nambe ali mwana wa munakazi, co akanene muna manga wa mwaka umo kuli muka-kukombelela ku cikolo ca Mbalaka Mwakuliwanena, kupwa n̄ombelo ya kwenyeka, na liyembe nambe katela wa n̄ombelo ya a vuvi.

VaLevi 12:8

“Nga munakazi kasa kunena muna manga, co akanene mayembe vavali nambe tutela vavali, umo apwe wa n̄ombelo ya kwenyeka mukwavo apwe wa n̄ombelo ya a vuvi, co muka-kukombelela akamwambesa kumutundisa vulikazi vwendi, co ikeye akajela.”

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:26

Asinoni akenyekele mazi oshe a cimuna a mutula, ngwe mwakenyeka mazi a vimuna vakutsiila a milambu ya kulitombola. Co mu ngila eyi muka-kukombelela akaambesa uje ntwama ku vuvi vwendi, co vakamusambesa.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:35

Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

Loma 3:23

omwo vanu voshe vanalingi vuvi, co vanaangunuka ku kwamena kwa Njambi.

Loma 3:26

oloni ku simbu ino alinakuhisa vuvi vwa vanu, mukumwesa vushunga vwendi. Mu ngila eyi vene Njambi alinakumwesa ngeci ikeye vavenya napu muka-vushunga, co munu woshe uje akulaela kuli Yesu Njambi amupwisa muka-vushunga.

1 Kolinte 7:14

Omwo uje munalume wakujeneka kukulaela vanamujelesa kuli Njambi akulikumbasana na munakazi wendi, na munakazi uje wakujeneka kukulaela vanamujelesa kuli Njambi akulikumbasana na munalume wendi muka-Yesu. Nga kucapwile ngacije, nga vana vavo vapwile ngwe vana va vaka-kujeneka kukulaela, oloni ololo vanapu vakujela.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.