VaLevi 11:8 - Livulu lya Shukulu Kalunga

⁸ Kesi mulye tusitu ava nambe kukwata a mitunu yavo ya kutsa embwe, vakevo kesi vakujela embwe.

VaLevi 11:8 Iomraidhean Croise

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Hoziya 9:3

Vanu va mu Isalele kuvakasala mu lifuti lya Shukulu Kalunga, oloni vakeluka ku Ingito, co vakalya vyakulya vyakujeneka kujela mu lifuti lya Asilya.

VaLevi 11:7

Co kesi mulye ngulu omwo ikeye kesi wakujela embwe, ikeye ni watyangunuka vimbemba, oloni kesi kulekula nakuseka.

VaLevi 11:9

“Co mwasa kulya nkala muyati wa isi vaje vali mu mema a kalunga nambe mu vindonga vaje vali na matendo na mavanda.

VaLevi 5:2

“Nga munu akwata a cuma cakujeneka kujela, kujeneka kuzivuka, nambe kasitu wa kutsa wakulya, nambe cimuna wa kutsa wakulya, nambe njame ya tulongolo va kutsa vakulya, co ikeye kajelele, akakala na mulonga.

Mateo 15:11

Kesi cije cikovela mu kanwa ka munu cikeco cimuviisa embwe, oloni cije cituuka mu kanwa, cikeco cimuviisa.”

Mateo 15:20

Evi vyoshe vikevyo vikaviisa munu. Oloni kulya na mavoko akujeneka kujwela kuvyasa kuviisa munu.”

Mako 7:15

Navimo vyai vili anja vikovela muli munu, vyasa kumuviisa. Oloni vije vituuka muli munu, vikevyo vimuviisa.”

Mako 7:18

“Kuma neni lalo kumuzivuka mwaila mana awa kutuvakana veka ndi? Kuma kumwazivukile? Navimo vyai vili anja vikovela muli munu vyasa kumuviisa,

Mako 7:2

Vamwene ngeci vandongisi vendi vamo valile vyakulya vyavo kujeneka kujwela ku mavoko, kuvajwelele ngwe mu ngila ije ivendekele vaFaliseo ku vanu ngeci valingemo. (

Vilinga vya Miluwa 10:28

Co wendekele kuli vakevo ngwendi, “Yeni munazivuka ngweni kaYunda lishiko lyendi kulimutavesa kwendela nambe kulizema na ava kesi vaYunda. Oloni Njambi nanjimwesa yange ngeci kesi njiyongole munu umo ngwange wakujwala nambe ngwange wakujeneka kujela.

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Loma 14:21

Cuma cacivwa kulinga cinapu kujeneka kulya situ nakunwa vinyu, nambe kulinga cuma cimo ceka cije citanukisa mukweni.

1 Kolinte 8:8

Nameme ngoco, vyakulya kuvyasa kutuvwaesa ku mesho a Njambi, nacimo cai citukwasa nambe kutuli, co nacimo cai tuwanao nambe tulya.

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

Efeso 5:7

Ngecivene, kesi mulyendele na munu wa cifwa cangacije.

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.