VaLevi 11:44 - Livulu lya Shukulu Kalunga

⁴⁴ Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 11:44 Iomraidhean Croise

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Myaso 99:9

Shangazaleni Shukulu Kalunga Njambi yetu, mulemeseni a lilundu lyendi lyakujela! Omwo Shukulu Kalunga Njambi yetu wapwa wakujela!

Kutuuka 16:12

“Njinazivi kulinyenga kwa vaIsalele. Valeke ngwove ku cingwezi vakalya situ, co ku mutondo vakalya makende ngwe muvanashakela. Asinoni vakazivuka ngeci yange Kalunga njapwa Njambi yavo.”

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:6

vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.”

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 22:30

Lambuleni kuli yange vingombe veni, na vimanga veni vaje vakulivanga kusemuka. Co vimuna vaje vakulivanga kusemuka vakakala na vaina matangwa atanu na avali, co a litangwa lyamucitanu na atatu mukavalambula kuli yange.

Kutuuka 22:31

“Yeni munapu mu vanu vange vakujela, kumwapandele kulya situ ya kasitu uje ivanakwata ku vikashama, oloni yaneni tutali.

Kutuuka 23:25

Nga munjilemesa yange Kalunga Njambi yeni, co njikamivezikisa vyakulya na mema, co njikatundisa mishongo akati keni.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 51:15

“Yange Shukulu Kalunga Njambi yeni, Muka-nzili yoshe, njikavundula mema a kalunga, nakulumisa mankimba amwo.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 11:43

Kesi mulijwalese yeni vavenya akulya cuma cimo cakulikoka asi.

VaLevi 18:2

“Leka vanu va Isalele ngwove, yange njapwa Kalunga Njambi yeni.

VaLevi 19:10

Kesi mukelukile lalo munima ya lihya lyeni lya vinyu mukuungulula vushuka vuje vumunasezele nambe kunona vushuka vuje vwalundumukila asi. Vusezeleni vaka-kuutwa, nambe vaka-kwija. Yange njapwa Kalunga Njambi yeni.

VaLevi 19:2

“Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’

VaLevi 19:3

Munu na munu napande kusingimika vaina na ishe, co napande kunyunga Litangwa Lyakuhwima, ngwe muje njamishikile. Yange njapwa Kalunga Njambi yeni.

VaLevi 19:4

“Kesi munjiseze nakulemesa tumponya, cipwe kesi mulipangele vinjambi va vikuvo nakuvalemesa. Yange njapwa Kalunga Njambi yeni.

VaLevi 20:26

Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

VaLevi 20:7

Pweni vakujela, omwo yange njapwa Kalunga Njambi yeni.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

Amose 3:3

Kuma vanu vavali venda amolika kujeneka kulizivasana kwenda amo ndi?

Kulava 15:40

Asinoni mukanuka nakwononoka mashiko ange oshe, co mukapwa vakujela kuli Njambi yeni.

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

1 Tesalonika 4:7

Omwo Njambi katusanene ngeci tuyoye mu vupangala embwe, oloni mukujela.

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

Kujombolola 22:11

Woshe uje alinga vuvi acitwaleo kulinga vuvi, co woshe uje alinga vya vunyengwe acitwaleo vene kulinga vya vunyengwe, woshe uje alinga vuvwa acitwaleo kulinga vuvwa, co woshe uje najele acitwaleo kupwa wakujela.”

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.

1 Samwele 6:20

Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”