VaLevi 10:6 - Livulu lya Shukulu Kalunga

⁶ Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

VaLevi 10:6 Iomraidhean Croise

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Kutuuka 33:5

Co Shukulu Kalunga washikile Mosesa kuleka vanu vaIsalele ngwendi, “Yeni mu vanu vakukaluwa vimbunge. Nga yange njiya neni, nameme kasimbu lika kakandondo, njikaminyongesa njwa. Ngecivene, ololo tundiseni vya senga, ngeci njiyongole vatijo njilinga neni.”

Kutuuka 6:23

Alone wambatele Elishemba muna Aminandave ndokazi ya Naheshone, co ikeye wakitile Nandave, na Avihu, na Elyazale, na Itamale.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

VaLevi 13:45

“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Kulava 14:6

Co Yoshwa muna Nune, na Kalembi muna Njefune, vaje vakele akati ka vaje vakanengele lifuti, vatavwile vuzalo vwavo mukuviilila.

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Kulava 18:5

Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

Kulava 20:25

Twala Alone na munendi Elyazale ku Munkinda wa Hole,

Kulava 5:18

Asinoni muka-kukombelela akashakulula vin̄ambu vya munakazi nakwaka n̄ombelo ya vunga vwa mbale ya maumwa mu mavoko endi. Co muka-kukombelela akakwate lilonga lije lili na mema akulula aje anena cisingo.

Kwituluka mu Mashiko 33:9

Vakevo vasholwele kasingimiko kakama kuli yove, kutuvakana ku visemi vavo, nambe ku vandolome vavo, nambe ku vana vavo. Vononokele mashiko ove, vapwile va kulongwa ku cikumiiyo cove.

Yoshwa 22:18

Na ololo mulinakuvyana kumukava? Nga yeni mutengulukila Shukulu Kalunga ku litangwa lya lelo, co imene akaluvala na mbunga yoshe ya Isalele.

Yoshwa 22:20

Anukeni Akane muna Zela wavyanene kwononoka lishiko a vyuma vije vyakukundika, ngeci vukalu vwezile a mbunga yoshe ya Isalele. Co Akane, kesi ikeye lika wanyongele a vuvi vwendi embwe.”

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 7:11

VaIsalele vanalingi vuvi! Vanapokola cikumiiyo cange cije cinjavashikile ngeci vacinyunge. Vanambata ku vyuma vije vyakukundika. Vakevo vanavivi nakwendeka makuli, co vanavikumbasana ku vyuma vyavo.