VaLevi 10:3 - Livulu lya Shukulu Kalunga

³ Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 10:3 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Yombi 2:10

Co Yombi wakumbulwile ngwendi, “Yove ulinakwendeka ngwe munakazi wakujeneka mana. Vati tukatambula vyuma vyavivwa lika kuli Njambi kwakujeneka kutambula vyuma vyavivi?” Nameme ngoco mu tuyando twendi twoshe, Yombi kavulumwine ku mesho a Njambi.

Myaso 119:120

Njijaja manene omo njikuyongola, njili na lyova lya kusompa kwove.

Myaso 148:14

Wakolesele muyati wendi na nzili, ngeci vanu vendi voshe vamushangazale, vanu vendi va Isalele, vaje vazema manene! Shangazaleni Shukulu Kalunga!

Myaso 39:10

Kesi unjihise lalo! Njili kuyehi na kutsa na n̄ome yove!

Myaso 39:9

Njikoloka kuluu ngwe kaveveve, kunjikendeka lijwi nalimo lyai, omwo yove unanjimwesa tuyando twangacije.

Myaso 46:10

Njambi nendeka ngwendi, “Olokeni kuluu, zivukeni ngeci yange nji Njambi, nji wakama akati ka miyati yoshe, co nji wakama lalo ano asi oshe!”

Myaso 89:7

Yove wapwa wakujujwisa mu munga ya vaka-kujela, co vukama vwove vwapwa vwakukomokesa kuli voshe vaje vali mwilu.

Myaso 93:5

Shukulu Kalunga, mashiko ove akala ku myaka yoshe, mwa vushunga Njuvo yove yapwa yakujela ku myaka yoshe.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Kutuuka 19:22

Nameme vaka-kukombelela ava vaija kuyehi nange, vanapande kulijelesa vakevo vavenya kutewa njikavahisa.”

Kutuuka 19:24

Co Shukulu Kalunga wamukumbulwile ngwendi, “Shelumuka asi ukeje na Alone kuno. Oloni vaka-kukombelela na vanu kuvapandele kujomboka nginga nakulamata kuno kuli yange embwe, kutewa njikavahisa.”

Kutuuka 30:30

Asinoni vwavesa Alone na vana vendi, nakuvajelesa kupwa vaka-kukombelela mu vipangi vyange.

Isaya 39:8

Co Mwene Hezekiya wayongwele ngwendi kukakala kwoloka na vushunga a simbu yakuyoya kwendi, co wendekele kuli Isaya ngwendi, “Lijwi wanjileke lyakutunda kuli Shukulu Kalunga linapu lyalivwa.”

Isaya 49:3

Wendekele kuli yange ngwendi, “Isalele yove unapu ngamba yange, omwo ali yove, vanu vakanjishangazala.”

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 38:16

Ukalwisa vanu vange va Isalele ngwe kankumba kafwika lifuti. Omo simbu ikaija, njikakutuma ukakovelele lifuti lyange ngeci miyati vakanjizivuke, mukumwesa kujela kwange a vije vinjilinga muli yove.

Ezekiyele 40:46

co uje mulili wakengesele ku kunto wapwile wa vaka-kukombelela vaje vapangele ku mutula. Vaka-kukombelela vakutunda ku naanga ya Zandoke, vapwa muyati wa Levi lika, vaje vavanatavesa kupangela Shukulu Kalunga.

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

VaLevi 21:15

Co mu ngila eyi kakajwalesa vana vendi. Yange njapwa Kalunga yange njinamujelesa kumupwisa Muka-kukombelela Wakama.”

VaLevi 21:17

“Leka Alone ngwove, naumo wai wa ku vatekulwila vove ku visemwa vyove vyoshe vya kulutwe uje ali na vulema, akakombelela vin̄ombelo vya vyakulya kuli yange.

VaLevi 21:21

Kukwesi mutekulwila wa Alone muka-kukombelela, uje ali na vulema, akashwenya kuyehi nakukombelela vin̄ombelo vya vyakulya kuli Shukulu Kalunga Njambi yeni.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

VaLevi 22:9

“Vaka-kukombelela voshe vakanyunge mashiko ange anjinavana, kutewa vakakala na mulonga, co vakatsa, omwo kuvononokele mashiko akujela. Yange njapwa Kalunga, muka-kuvajelesa.

VaLevi 8:35

Mwapande kutumbama mu cikolo ca Mbalaka mutanya na vutsiki a matangwa atanu na avali, mukulinga evi Shukulu Kalunga wavishikile. Nga kumukalingimo, co mukatsa. Eci cikeco cashikile Shukulu Kalunga kuli yange.”

Kulava 16:5

Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi.

Kulava 20:12

Oloni Shukulu Kalunga wendekele kuli Mosesa na Alone ngwendi, “Yange njapwa wakujela, oloni kumwakulaelele nakunjisingimika ku mesho a vanu va Isalele. Ngecivene, kumukasa kukovelesa mbunga eyi mu lifuti lije njavakulaesele kuvana.”

Mateo 10:37

“Woshe uje azema ishe nambe vaina kutuvakana yange kapandele kupwa ndongisi yange, co woshe uje azema munendi wa munalume nambe wa munakazi kutuvakana yange kapandele kupwa ndongisi yange.

Yowano 12:28

Tate, shangazala lizina lyove!” Asinoni lijwi lyatundile mwilu ngwalyo, “Njinalishangazala laja, co njikalishangazala lalo.”

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Kwituluka mu Mashiko 32:51

omwo muvuvali vweni kumwanjikulaelele nakunjisingimika ku mesho a vanu va Isalele, omo mwakele ku mema a ku Meliva, kuyehi na nganda ya Kandeshe mu mambo ya Zine, kumwasingimikile kujela kwange ku mesho a vanu.

2 Tesalonika 1:10

omo akaija a Litangwa lije nakutambula vumpau kuli vanu vendi voshe na kalemeso kuli voshe vaje vanakulaela. Neni lalo mukakala akati kavo, omwo neni lalo munakulaela lijwi lije twamilekele.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.

1 Samwele 3:18

Ngecivene, Samwele wamulekele vyuma vyoshe, kamushwekeleleko cuma cimo cai. Eli wendekele ngwendi, “Ikeye napu Shukulu Kalunga, akalinga vyoshe vyashaka kulinga.”

1 Samwele 6:20

Ngecivene, vanu va ku Mbete Shemeshe vendekele ngwavo, “Iyajo asa kwimana ku mesho a Shukulu Kalunga, Njambi wakujela? Tukamutuma kulijo ngeci atunde kuli yetu?”