VaLevi 10:19 - Livulu lya Shukulu Kalunga

¹⁹ Co Alone wakumbulwileko ngwendi, “Nga yange njinalile ku n̄ombelo ya a vuvi, lelo nga njinavwaelelesa Shukulu Kalunga ndi? Kenga, lelo vanu vanakombelela n̄ombelo yavo ya a vuvi kuli Shukulu Kalunga, amo na n̄ombelo yavo ya kwenyeka, oloni anga vene vyuma evi vyakukomokesa vyalingiwa kuli yange!”

VaLevi 10:19 Iomraidhean Croise

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Hoziya 9:4

Co mu mafuti aje a vungenzi kuvakasa kukombelelamo vin̄ombelo vya vinyu kuli Shukulu Kalunga, nameme kunena vin̄ombelo vyavo kuli ikeye embwe. Vyakulya vyavo vikajwalesa munu woshe uje akavilya, ngwe vyakulya vyakulila mu myala. Vakavipangesa lika kushulisa mafu avo, nacimo cai civakatwala ku Njuvo ya Shukulu Kalunga kupwa mulambu.

VaLevi 10:20

Omo Mosesa wazivile ngacije, co watavele.

VaLevi 9:12

Alone watsiile cimuna uje wa n̄ombelo yendi ya kwenyeka. Co vana vendi vamutwalelele maninga, co waetilile ku mitambela yoshe iwana ya mutula.

VaLevi 9:8

Co Alone waile ku mutula nakutsiya muna ngombe wa nkomba wa n̄ombelo ya a vuvi vwendi.

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Malakiya 1:13

Mwendeka ngweni, ‘Tunajuka!’ Co munjishendumuna. Ngwe omo yeni mulinakukombelela kuli yange omo mukombelela kuli yange vimuna vakwiva nambe uje wakutenguka nambe uje wakuvinja. Kuma mwayongola ngeci njikatambula vin̄ombelo vyeni vyangacije ndi?

Malakiya 2:13

Cuma cikwavo lalo cimukalingi eci. Mujulisa mutula wa Shukulu Kalunga na misozi, kulila nakumbolozoka omwo kesi nakutambula vin̄ombelo vije mulinakumunenela.

Kwituluka mu Mashiko 12:7

Yeni na naanga yeni mukalya nakujolela mu vyoshe vimukalinga ku mesho a Shukulu Kalunga Njambi yeni uje namivezikisa.

Kwituluka mu Mashiko 26:14

Kutwalileo cimo ca vyavulikumi omo twakele nakulila, nambe kutundisa vimo omo kutwajelele, nambe kukombelela vimo ku vakulu. Tunakwononoka yove Shukulu Kalunga Njambi yetu, tunalingi vyuma vyoshe vije viwatushikile.

Filipu 4:4

Joleleni muli Mwene simbu yoshe, njicendekamo lalo ngwange, joleleni!

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:8

Munzinzime Wakujela alinakuvalongesa vyoshe evi muvanavivwaeselamo ngeci ngila yakuya mu Mwela Wakujela Manene kanda vaciishokolole omo simbu Mbalaka ya anja inemana.