VaLevi 10:14 - Livulu lya Shukulu Kalunga

¹⁴ Oloni n̄undo, na lindi vyakulambula ukavilila ku mwela umo wakujela, yove na vana vove va vanalume, na vana vove va vanakazi, omwo vinapu vwana vuvanaana kuli Shukulu Kalunga kupwa mutambela wove, na mutambela wa vana vove wa milambu ya kulitombola ya vanu va Isalele.

VaLevi 10:14 Iomraidhean Croise

Kutuuka 29:33

Co vakevo vakalya vije vivapangesele mukuvaambesa mukuvemika omo vavakundikile. Vaka-kukombelela lika vakevo vakalya vyakulya evi, omwo vikevyo vyapwa vyakujela.

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

VaLevi 10:13

Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 22:13

Oloni nga muna muka-kukombelela wa munakazi napu fwile, nambe uje ivanakondola, ikeye kesi na vana, oloni neluka nakukala ku njuvo ya ishe ngwe mwakeleko laja a vwanike vwendi, nasa kulya ku vyakulya vije vyatambula ishe akupwa muka-kukombelela. Kuvanga lika munu wa ku naanga ya muka-kukombelela ikeye asa kuvilya.

VaLevi 9:21

Oloni vin̄undo, na lindi lya ku cilyo wavikombelelele kupwa n̄ombelo yaivwa kuli Shukulu Kalunga kupwa ya vaka-kukombelela, ngwe muje mwashikile Mosesa.

Kulava 18:11

“Milambu yakama yoshe ije ivalambula vaIsalele kuli yange ikapwa yeni. Njinayana kuli yove, na kuli vana vove va vanalume, na ava va vanakazi ku myaka yoshe. Munu woshe wa mu naanga yove uje najele nasa kuvilya.

Kulava 5:9

Ngecivene, milambu yoshe yakujela ije ivakatwala vaIsalele kuli Shukulu Kalunga ikapwa ya muka-kukombelela.

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.