VaLevi 10:13 - Livulu lya Shukulu Kalunga

¹³ Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 10:13 Iomraidhean Croise

Ezekiyele 42:13

Co uje munalume wendekele kuli yange ngwendi, “Vinjuvo vyoshe evi vivali vinapu vyakujela. Mukemwo vaka-kukombelela vaje vakakovela ku mesho a Shukulu Kalunga vakalilamo milambu yakujela manene. Omwo milili yapwa yakujela, co vaka-kukombelela vakakamo milambu yakujela, milambu ya vimbuto vya vinona, na vin̄ombelo vyakukombelela a vuvi, nambe vin̄ombelo vyakuliilwisila.

VaLevi 10:12

Co Mosesa wendekele kuli Alone, na kuli Elyazale, na Itamale vana vendi vavali vaje vasaleleo ngwendi, “Twaleni mulambu wa vimbuto vya vinona uje wasalele ku vyakulya vakombelelele kuli Shukulu Kalunga, co vilyeni vyakujeneka musima, vilileni kumukulo wa mutula, omwo n̄ombelo eyi inapu yakujela manene.

VaLevi 10:14

Oloni n̄undo, na lindi vyakulambula ukavilila ku mwela umo wakujela, yove na vana vove va vanalume, na vana vove va vanakazi, omwo vinapu vwana vuvanaana kuli Shukulu Kalunga kupwa mutambela wove, na mutambela wa vana vove wa milambu ya kulitombola ya vanu va Isalele.

VaLevi 2:3

Co vije vikasalao ku mulambu ou wa vimbuto vya vinona vikapwa vya vaka-kukombelela, vikapwa vyakujela, omwo vikevyo vanavitundisa ku vyakulya vije vanalambula kuli Shukulu Kalunga.

VaLevi 6:16

Alone na vana vendi vakalya vyoshe vije vikasalao mu mutambela wakujela mu cipango ca Mbalaka Mwakuliwanena, oloni makende kuvakawatiki na musima embwe.

Kulava 18:10

Munapande kulila vyuma vyoshe evi mu mutambela umo wakujela, oloni vanalume lika vakevo vakavilya, munapande kuviyongola ngeci vyapwa vyakujela.

Kulava 5:10

Vyuma vyoshe vyakujela vya munu vikapwa vyendi vavenya, oloni vyoshe vije aana munu kuli muka-kukombelela vikapwa vya muka-kukombelela vene.”