VaLevi 10:12 - Livulu lya Shukulu Kalunga

¹² Co Mosesa wendekele kuli Alone, na kuli Elyazale, na Itamale vana vendi vavali vaje vasaleleo ngwendi, “Twaleni mulambu wa vimbuto vya vinona uje wasalele ku vyakulya vakombelelele kuli Shukulu Kalunga, co vilyeni vyakujeneka musima, vilileni kumukulo wa mutula, omwo n̄ombelo eyi inapu yakujela manene.

VaLevi 10:12 Iomraidhean Croise

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

Ezela 7:5

Mbuki wapwile muna Avishwa, Avishwa wapwile muna Finehase, Finehase wapwile muna Elyazale, Elyazale wapwile muna Alone Muka-kukombelela Wakama.

Kutuuka 29:2

Co pangesa vunga vwavuvwa vwakuseneta, vwakujeneka musima, oca makende amo na mazi a olive, amo kesi mwakeo mazi, co amo apwe a cifwa ca tumashama-shama twatundondo twakukwita mazi.

Kutuuka 29:33

Co vakevo vakalya vije vivapangesele mukuvaambesa mukuvemika omo vavakundikile. Vaka-kukombelela lika vakevo vakalya vyakulya evi, omwo vikevyo vyapwa vyakujela.

Kutuuka 6:23

Alone wambatele Elishemba muna Aminandave ndokazi ya Naheshone, co ikeye wakitile Nandave, na Avihu, na Elyazale, na Itamale.

Ezekiyele 44:29

Milambu ya vimbuto vya vinona, na milambu ya a vuvi, na milambu yakuliilwisila vikapwa vyakulya vya vaka-kukombelela, co vakatambula vyuma vyoshe mu Isalele vije vivanakundika vyoshe kuli yange.

VaLevi 10:13

Co vilileni mu mwela wakujela, ou ukewo mutambela wa vyakulya vakombelelele kuli Shukulu Kalunga wakundama kuli yove na vana vove va vanalume. Omu mukemwo mwanjishikile Shukulu Kalunga.

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 24:9

Makende awa akapwa a Alone na vatekulwila vendi ku myaka yoshe, co vakevo vakaalile mu mwela wakujela, omwo ou wapwa mutambela wakujela manene wa vyakulya vyakukombelela kuli Shukulu Kalunga.”

VaLevi 7:9

Mulambu woshe wa vimbuto vya vinona uje vanoco, nambe uje vanateleka mu ndeo, nambe a cikango unapu wa muka-kukombelela, uje naukombelela kuli Njambi.

Kulava 3:2

Alone wakele na vana vawana va vanalume, mazina avo, Nandave ikeye ntwatwa, na Avihu, na Elyazale, na Itamale.