VaLevi 1:3 - Livulu lya Shukulu Kalunga

³ nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 1:3 Iomraidhean Croise

Kushangumuka 22:13

Avilahama wandukile, co wamwene lijamba lya manga nakwatiwa ku vimbinga mu liputa. Asinoni waileko nakumukwata, co wamukombelelele kupwa mulambu wa kwenyeka mukumwingisa muli munendi Isake.

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Kushangumuka 22:8

Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.

Kushangumuka 8:20

Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

2 Mizimbu 29:32

Co vanenele vingombe va nkomba makumi atanu na avali, na majamba a vimanga akupwa 100, na vana va vimanga vakupwa 200 nakuvakombelela kupwa vin̄ombelo vya kwenyeka kuli Shukulu Kalunga.

2 Mizimbu 35:12

Asinoni vapangelele vanu mu vimbunga vya naanga yavo, tusitu va vin̄ombelo vya kwenyeka, ngwe ku Lishiko lya Mosesa.

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Myaso 40:8

Njambi yange njizema kulinga cizango cove, njikanyunga vilongesa vyove mu mbunge yange.”

Kutuuka 12:5

Munapande kwangula manga nambe membe, oloni napande kupwa nkomba wa mwaka umo wakujeneka kapenga.

Kutuuka 24:5

Asinoni watumine vakwenje, co venyekele vin̄ombelo kuli Shukulu Kalunga nakukombelela vingombe kupwa milambu ya kulitombola.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:4

“Co nena Alone na vana vendi ku cikolo ca Mbalaka Mwakuliwanena, co vajwelese.

Kutuuka 29:42

Mulambu ou ukapwa mulambu wa kwenyeka ku mesho ange ku cikolo ca Mbalaka Mwakuliwanena ku visemwa vyeni vyoshe. Kuje kukekwo njikaliwanena nove nakwendeka nove.

Kutuuka 32:6

Co alikaki mutondo-tondo vanenele tusitu ngeci vavakombelele na tusitu vakwavo vaje valile kupwa milambu ya kulitombola. Co vanu vatumbamene ku ciwano cije, oloni vaciimwisile ciwano ca kupenda nakulinga vupangala.

Kutuuka 35:21

co munu woshe uje mbunge yendi yamusindiiye na woshe uje wakele na cizango cakulinga ngacije wanenele mulambu kuli Shukulu Kalunga yakutungisa Mbalaka Mwakuliwanena. Co vanenele vyuma vyoshe vije vyashakiwile mukupangesa Mbalaka Mwakuliwanena, na vipangi vyayo vyoshe, amo na vuzalo vwakujela vwa vuka-kukombelela.

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Kutuuka 35:5

Lambuleni kuli Shukulu Kalunga. Munu woshe uje ashaka kulinga ngacije alambule ngolinde, na siliva, na vunengu,

Kutuuka 36:3

Co vatambwile milambu yoshe ije ivanenele vaIsalele mukutungisa Mbalaka yakujela. Oloni vanu va Isalele vakele nakunena milambu yavo kuli Mosesa a mutondo a mutondo.

Kutuuka 38:1

Co washongele mutula wa mavaya a mungongo wa milambu ya kwenyeka. Woshe wapwile mumolika, mamita 2.2 mu vulaja na mamita 2.2 mu vwihi, na mamita 1.3 mu kulova.

Isaya 1:11

Ikeye alinakwendeka ngwendi, “Kuma yeni munayongola ngweni njishaka vin̄ombelo vyoshe evi mulinakukombelela kuli yange ndi? Yange njinapwisamo na vin̄ombelo vya kwenyeka vya vimanga, na mazi a vimuna veni vakununa. Yange kunjivwaelela na maninga a vingombe va nkomba, na maninga a vimanga, naa a vimembe.

Ezekiyele 20:40

Muje mu lifuti, a lilundu lyange lyakujela, munkinda waulaja wa Isalele, yeni voshe vanu va Isalele mukanjilemesa. Co njikavwaelela muli yeni, nakumikulaela ngeci munjinenele vin̄ombelo vyeni, na mulambu weni wauvwa manene, na vwana vweni vwakujela.

Ezekiyele 40:39

Mu mulili ou wakama mwakele vimesa viwana, vivali ku mutambela umo na umo wa mulili. A vimesa vije vene akeo vakele nakutsiila vimuna vakukombelela vin̄ombelo nambe vakwenyeka voshe vamutunu, nambe vakukombelela a vuvi, nameme va vin̄ombelo vyakuliilwisila.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 14:10

“A litangwa lyamucitanu na atatu akanene majamba a vana va vimanga vavali, na muna manga umo wa lwavo wa mwaka umo vaje kuvesi na kapenga, na makilo atatu a vunga vwavuvwa vwakuseneta, na mazi a olive na litambelo lya lita lya mazi a olive.

VaLevi 16:7

Asinoni akatwale vaje vimembe vavali ku cikolo ca Mbalaka Mwakuliwanena.

VaLevi 17:4

oloni nga kamunenele ku cikolo ca Mbalaka Mwakuliwanena nakumukombelela kupwa mulambu kuli Shukulu Kalunga napokola Lishiko. Ali na mulonga wakwitila maninga. Co uje munu kuvakamulava lalo kupwa munu wa Njambi embwe.

VaLevi 17:8

“Co ukendeka kuli vakevo ngwove kaIsalele woshe, nambe muka-kwija uje alinakukala akati kavo, uje akombelela n̄ombelo ya kwenyeka, nambe n̄ombelo yeka

VaLevi 17:9

kupwa n̄ombelo kuli Shukulu Kalunga kujeneka kuyinena ku cikolo ca Mbalaka, kuvakamulava lalo kupwa munu wa Njambi embwe.”

VaLevi 23:12

A litangwa lije, omo mutwala mulambu wa mukuta wa vimbuto, co mukakombelela n̄ombelo kupwa mulambu wa kwenyeka, lijamba lya muna manga wa mwaka umolika, wakujeneka kapenga.

VaLevi 23:18

Co mbunga vakanene makende nakulambula lalo vana va vimanga vatanu na vavali va mwaka umolika, na ngombe wa nkomba umo, na majamba vavali, vakujeneka kapenga. Vakavalambule kupwa mulambu wa kwenyeka kuli Shukulu Kalunga, amo na mulambu wa vimbuto vya vinona, na milambu ya vinyu. Co vweko vwa mulambu ou vukavwaelelesa Shukulu Kalunga.

VaLevi 3:1

“Omo munu akombelela umo wa vingombe vendi kupwa mulambu wa kulitombola, napande kupwa nkomba nambe lwavo wakujeneka kapenga.

VaLevi 4:15

vantwama va mbunga vakakambeke mavoko avo a mutwe wa uje cimuna, co vakamutsiile ku mesho a Shukulu Kalunga.

VaLevi 4:23

omo vuvi vwendi vunasholoka, co akanene lijamba lya membe wakujeneka kapenga kupwa mulambu wendi.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 4:32

“Nga munu anena manga kupwa mulambu wa a vuvi, napande kupwa wa lwavo wakujeneka kapenga.

VaLevi 5:15

“Nga munu alinga vuvi kujeneka kuzivuka, omo ikeye nonwa kwana vije vyakujela kuli Shukulu Kalunga, co akanene lijamba lya manga nambe membe wakujeneka kapenga, ngeci apwe mulambu wa kuliilwisila kuli Shukulu Kalunga. Co ndando ya uje cimuna inapande kupwa ngwe ndando ije ishakiwa ku Mbalaka Mwakuliwanena.

VaLevi 5:18

Napande kunena lijamba lya manga nambe membe wakujeneka kapenga kuli muka-kukombelela kupwa mulambu wa kuliilwisila. Co ndando ya uje cimuna inapande kupwa ngwe ndando ije vemika ya mulambu wa kuliilwisila. Muka-kukombelela akakombelele n̄ombelo mukumwambesa ku vuvi vuje vwalingile kujeneka kuzivuka, co vakamusambesa.

VaLevi 6:2

“Nga munu alinga vuvi kuli Shukulu Kalunga avyana kwilwisila mukwavo kaIsalele cishimbikiya nasezele kuli ikeye, akwiva cuma ca mukwavo, nambe kumukwisa,

VaLevi 6:8

Shukulu Kalunga wendekele kuli Mosesa ngwendi,

VaLevi 7:16

Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki,

VaLevi 8:18

Asinoni, Mosesa wanenele lijamba lya manga wa n̄ombelo ya kwenyeka, co Alone na vana vendi vakambekele mavoko avo a mutwe wa uje cimuna.

VaLevi 8:21

Wakushile vya mwimo na mapondo, asinoni wenyekelele lijamba woshe wamutunu a mutula kupwa mulambu wa kwenyeka wa vyakulya wa kulitombola kuli Shukulu Kalunga, ngwe muje mwamushikile Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga.

VaLevi 9:2

Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka.

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 15:8

Omo akalambula ngombe wa nkomba kuli Shukulu Kalunga kupwa mulambu wa kwenyeka, nambe n̄ombelo ya kushulisa cisingo, nambe mulambu wa kulitombola,

Kulava 19:2

“Lekeni vanu va Isalele vaminenele ngombe wakuvenga wakujeneka kapenga uje kanda ashangumuke kulima,

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Kulava 23:27

Co Mbalake wendekele kuli Mbalame ngwendi, “Tuye mumo nange, co njikakutwala ku mutambela ukwavo lalo. Amo Njambi akakala na cizango cakukutava yove kunjisingilavo kuje vene.”

Kulava 23:3

Co Mbalame wendekele kuli Mbalake ngwendi, “Imana ku n̄ombelo yove ya kwenyeka, simbu njicili nakuya nakumona amo Shukulu Kalunga akaliwana nange. Co njikakuleka vyoshe vije vyakanjileka.” Ngecivene, Mbalame waile endi lika akamwa ya lilundu akujela.

Kulava 23:30

Co Mbalake walingile ngwe mwamulekele Mbalame, co wakombelelele a mutula umo na umo ngombe wa nkomba na lijamba lya manga.

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 28:19

Oloni mukakombelela n̄ombelo ya kwenyeka kupwa n̄ombelo ya vyakulya kuli Shukulu Kalunga, vana va vingombe va nkomba vavali, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga.

Kulava 28:31

Mukakombelela vimuna ava amo na vin̄ombelo vyavo vya vinyu kuwezelela a n̄ombelo ya kwenyeka ya a litangwa na litangwa na n̄ombelo yayo ya vimbuto vya vinona. Munapande kumona ngeci vimuna ava vapwe vakujeneka kapenga.

Kulava 29:13

A litangwa lyakulivanga mukakombelela kuli Shukulu Kalunga n̄ombelo ya kwenyeka ya vyakulya, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela vana va vingombe va nkomba likumi na vatatu, na majamba a vimanga vavali, co na majamba a vana va vimanga likumi na vawana va mwaka umolika, voshe vakujeneka kapenga.

Kulava 29:2

Co mukakombelela kuli Shukulu Kalunga n̄ombelo ya kwenyeka, co lwengo lwaluvwa lwa n̄ombelo eyi lukavwaelelesa Shukulu Kalunga. Mukakombelela muna ngombe wa nkomba umolika, na lijamba lya manga umo, na vana va vimanga vatanu na vavali va mwaka umolika, voshe vakujeneka kapenga.

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Yowano 10:7

Ngecivene, Yesu wendekele lalo ngwendi, “Mwa vushunga njimileka ngwange, yange cikolo ca vimanga.

Yowano 10:9

Yange cikolo. Woshe akovela muli yange akovoka, co akakovela nakutuuka, co akawana kwakulila.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Efeso 5:27

ngeci akemike cikungulukilo ku mesho endi mu vuvwa vwaco vwoshe, cakujela nakujeneka mulonga, nambe kapenga kamo, nambe ka mucinya nambe ka cuma keka kakucijwalesa.

Kwituluka mu Mashiko 12:27

Co mukakombelela vin̄ombelo vyeni vya kwenyeka, na situ na maninga, a mutula wa Shukulu Kalunga Njambi yeni. Maninga a vin̄ombelo vyeni mukawetila kumukulo wa mutula wa Shukulu Kalunga Njambi yeni. Co mukalya situ.

Kwituluka mu Mashiko 15:21

Oloni nga vimuna ava vakakala na kapenga, nambe vulema, nambe vupuputwa, nambe katengu kamo kakavi, co kesi mukavakombelele kuli Shukulu Kalunga Njambi yeni.

Kwituluka mu Mashiko 17:1

“Kesi mukakombelele kuli Shukulu Kalunga Njambi yeni ngombe nambe manga uje ali na kapenga, omwo vyuma vyangacije vyapwa vya vunyengwe ku mesho a Shukulu Kalunga Njambi yeni.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.