VaLevi 1:2 - Livulu lya Shukulu Kalunga

² “Leka vanu va Isalele vanyunge mashiko awa omo vakombelela vin̄ombelo vyavo. “Omo munu woshe anena cimuna wakukombelela, nambe umo wa vingombe vendi, nambe umo wa vimanga vendi, nambe umo wa vimembe vendi,

VaLevi 1:2 Iomraidhean Croise

Kushangumuka 4:3

Litangwa limo, Kaini watwalele vimbuto vimo vije vyatejele kupwa mulambu kuli Shukulu Kalunga.

Kushangumuka 4:5

oloni wavyanene Kaini na mulambu wendi. Co Kaini waluvalele manene na minkanya.

1 Mizimbu 16:29

Shangazaleni lizina lyendi lya vumpau, neneni milambu, co ijeni mu Njuvo yendi. Yeni vaka-kaye voshe, tsikameni nakulemesa Shukulu Kalunga,

Ezela 3:5

co lalo vakombelelele vin̄ombelo vya kwenyeka vyamutunu a litangwa na litangwa, na vije vyakukombelela a Ciwano Cakutenema kwa Ngonde, na ku vikungulukilo vyeka lalo vije vyakulemesa Shukulu Kalunga, na vin̄ombelo vya cizango vyakwana kuli Shukulu Kalunga.

Kutuuka 20:24

Co njimungileni mutula wa livu, akeo mukakombelelao vimanga veni na vingombe veni kupwa milambu yamutunu ya kwenyeka, amo na milambu ya kulitombola. Mu mutambela woshe uje njikemika wakunjilemesela, co njikaija kuli yeni nakumivezikisa.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 5:15

asinoni uje munalume akatwale munakazi wendi kuli muka-kukombelela. Ikeye lalo napande kwambata n̄ombelo ya vinganja vivali vya vunga vwa mbale ya maumwa, oloni kesi etileo mazi a olive nambe kwakao insense yakunika lwengo lwaluvwa, omwo inapu n̄ombelo ya vimbuto yakutunda ku lifuwa lya munalume, mukwanukilao vuvi.

Kulava 7:15

Walambwile lalo muna ngombe wa nkomba umo, na lijamba lya manga umo, na muna manga umo wa mwaka umo kupwa mulambu wa kwenyeka.

Mako 7:11

Oloni yeni mukalongesa ngweni, nga munu ali na cuma cimo cije asa kukwasa naco ishe nambe vaina, oloni endeka ngwendi, ‘Evi vinapu Ngolevani,’ (kulumbununa ngwavo, eci cakundama kuli Njambi,)

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 12:6

Ngecivene, tunapande kupangesa vwana vwetu vwakulyangunuka ngwe ku mema ku mbunge a Njambi aje anatumwesa. Nga vwana vwetu vunapu vwakwambulula lijwi lya Njambi, co tunapande kwambulula kupwisa ngwe nakukulaela kwetu tulinakwo,

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.