VaLevi 1:13 - Livulu lya Shukulu Kalunga

¹³ Uje munu napande kukusha vya mwimo vyoshe, na mapondo a kunima, co muka-kukombelela akanena ije n̄ombelo kuli Shukulu Kalunga nakuyenyekela yoshe a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:13 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Mizimbu 4:6

Co ikeye lalo wapangele vimbashiya likumi, vitanu vavyakele ku mutambela wa mu mbwela wa ku Njuvo ya Shukulu Kalunga, vitanu lalo vavyakele ku mutambela wa ku kunto. Vikevyo vyapwile vyakukushungwila vilyo vya vimuna vaje vavakele nakwenyeka mukukombelela vin̄ombelo. Co aje mema akele mu lizau lyakama apwile akujwela vaka-kukombelela.

Ezekiyele 40:38

Muje mu cipango ca mbanja ya anja kwakele mulili wakele kuyehi na cikolo ca mukati ku mutambela wa ku kunto. Cikolo eci cakovelele mu mulili wakama uje wakengesele ku cipango ca mbanja kuje kuvakele nakukushila tusitu va n̄ombelo ya kwenyeka.

VaLevi 1:9

Uje munu napande kukusha vya mwimo na mapondo a kunima, co muka-kukombelela akenyekela n̄ombelo yoshe yamutunu a mutula kupwa n̄ombelo ya kwenyeka, co vweko vwa mulambu ou wa vyakulya vukavwaelelesa Shukulu Kalunga.

VaLevi 2:11

“Kukwesi mulambu wa vimbuto vya vinona vije vimukanena kuli Shukulu Kalunga vimukalinga na musima. Kumwapandele kupangesa musima nambe vuki mu vyakulya vije vimukalambula kuli Shukulu Kalunga.

VaLevi 2:2

akayitwale kuli vaka-kukombelela va ka naanga ya Alone. Co muka-kukombelela akajomonao livoko lyakushula lya vunga, na mazi, na insense yoshe nakuvyenyekela a mutula kupwa cimweso ngeci vyoshe vanavikombelela kuli Shukulu Kalunga. Co vweko vwa mulambu ou wa vyakulya vukavwaelelesa Shukulu Kalunga.

VaLevi 3:5

Asinoni vana va Alone vakenyekele aje mazi a mutula akamwa ya mulambu wa kwenyeka, uje ili a vitale vya tuhya. Unapu mulambu wa vyakulya, co vweko vwa mulambu ou vukavwaelelesa Shukulu Kalunga.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 6:14

“Awa mashiko anapu a milambu ya vimbuto vya vinona. Muka-kukombelela wa ku naanga ya Alone akanene mulambu wa vimbuto vya vinona kuli Shukulu Kalunga kulutwe lwa mutula.

VaLevi 8:21

Wakushile vya mwimo na mapondo, asinoni wenyekelele lijamba woshe wamutunu a mutula kupwa mulambu wa kwenyeka wa vyakulya wa kulitombola kuli Shukulu Kalunga, ngwe muje mwamushikile Shukulu Kalunga. Co vweko vwavuvwa vwa mulambu ou vukavwaelelesa Shukulu Kalunga.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kulava 15:4

Co woshe uje akakombelela manga nambe membe kupwa mulambu wa kwenyeka kuli Shukulu Kalunga, napande kutwala kilo imo ya vunga vwavuvwa vwakuseneta vwakukumbasana na mazi a olive kupwa mulambu wa vimbuto vya vinona.

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 28:8

Co ku cingwezi lambula muna manga wamucivali, linga cuma cimo ngwe mulambu wa ku mutondo, amolika na mulambu wayo wa vimbuto vya vinona, na mulambu wayo wa vinyu kupwa mulambu wa vyakulya, co lwengo lwaluvwa lwa mulambu ou lukavwaelelesa Shukulu Kalunga.

Kwituluka mu Mashiko 12:27

Co mukakombelela vin̄ombelo vyeni vya kwenyeka, na situ na maninga, a mutula wa Shukulu Kalunga Njambi yeni. Maninga a vin̄ombelo vyeni mukawetila kumukulo wa mutula wa Shukulu Kalunga Njambi yeni. Co mukalya situ.