VaLevi 1:10 - Livulu lya Shukulu Kalunga

¹⁰ “Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 1:10 Iomraidhean Croise

Kushangumuka 4:4

Avele watwalele muna manga wa ntwatwa wa ku vimanga vendi, wamutsiile, waangwileo vilyo vyavivwa, co wavikombelelele kupwa mulambu kuli Shukulu Kalunga. Co Shukulu Kalunga wavwaelelele na Avele na mulambu wendi,

Kushangumuka 8:20

Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

Kutuuka 12:5

Munapande kwangula manga nambe membe, oloni napande kupwa nkomba wa mwaka umo wakujeneka kapenga.

Ezekiyele 43:22

Co alikaki ukambata lijamba lya membe uje wakujeneka kapenga, co mukombelele kupwa n̄ombelo ya a vuvi. Jelesa mutula na maninga endi mu ngila imo vene ngwe muwalingile na ngombe wa nkomba.

VaLevi 14:10

“A litangwa lyamucitanu na atatu akanene majamba a vana va vimanga vavali, na muna manga umo wa lwavo wa mwaka umo vaje kuvesi na kapenga, na makilo atatu a vunga vwavuvwa vwakuseneta, na mazi a olive na litambelo lya lita lya mazi a olive.

VaLevi 16:3

Akakovela mu Mwela Wakujela Manene omo nanena muna ngombe wa nkomba wa n̄ombelo ya a vuvi, na lijamba lya manga wa n̄ombelo ya kwenyeka.”

VaLevi 16:5

“Co ku mbunga ya vaIsalele Alone akambateko majamba vavali va vimembe kupwa n̄ombelo ya a vuvi, na lijamba lya manga umo kupwa n̄ombelo ya kwenyeka.

VaLevi 22:19

Mukumutambula, napande kupwa ngombe wa nkomba wakujeneka kapenga, nambe lijamba lya manga, nambe lijamba lya membe wakujeneka kapenga.

VaLevi 23:12

A litangwa lije, omo mutwala mulambu wa mukuta wa vimbuto, co mukakombelela n̄ombelo kupwa mulambu wa kwenyeka, lijamba lya muna manga wa mwaka umolika, wakujeneka kapenga.

VaLevi 3:1

“Omo munu akombelela umo wa vingombe vendi kupwa mulambu wa kulitombola, napande kupwa nkomba nambe lwavo wakujeneka kapenga.

VaLevi 4:23

omo vuvi vwendi vunasholoka, co akanene lijamba lya membe wakujeneka kapenga kupwa mulambu wendi.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 5:15

“Nga munu alinga vuvi kujeneka kuzivuka, omo ikeye nonwa kwana vije vyakujela kuli Shukulu Kalunga, co akanene lijamba lya manga nambe membe wakujeneka kapenga, ngeci apwe mulambu wa kuliilwisila kuli Shukulu Kalunga. Co ndando ya uje cimuna inapande kupwa ngwe ndando ije ishakiwa ku Mbalaka Mwakuliwanena.

VaLevi 9:2

Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka.

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Kulava 15:5

Co akatwale lita imo ya vinyu ngwe ku muna manga umo na umo kupwa mulambu wa vyakunwa wakwaka a milambu ya kwenyeka nambe wa vyakukombelela.

Kulava 19:2

“Lekeni vanu va Isalele vaminenele ngombe wakuvenga wakujeneka kapenga uje kanda ashangumuke kulima,

Kulava 6:14

co ikeye akatwale kuli Shukulu Kalunga, lijamba umo wa muna manga wa mwaka umo wakujeneka kapenga wa mulambu wa kwenyeka, na muna manga wa lwavo wa mwaka umo wakujeneka kapenga wa mulambu wa a vuvi, co na lijamba lya manga wakujeneka kapenga wa mulambu wa kulitombola.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.