VaHevelu 9:28 - Livulu lya Shukulu Kalunga

²⁸ Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

VaHevelu 9:28 Iomraidhean Croise

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

VaLevi 10:17

“Omwo vikajo kumwalililile n̄ombelo ya a vuvi mu mwela wakujela? Eyi n̄ombelo inapu yakujela manene, Shukulu Kalunga namyanayo mukwambata vuvi vwa mbunga ya vanu mukuvaambesa.

Zakaliya 14:5

Co yeni mukatewela mu cimbongo eci caangununa munkinda mu mitambela ivali. Mukatewa ngwe muvatewele vakukulwila veni omo lifuti lyajajele a simbu ya Mwene Uziya wa mu Yunda. Shukulu Kalunga Njambi yange akaija, akaija amo na tungelo twendi vakujela.

Kulava 18:1

Ngecivene, Shukulu Kalunga wendekele kuli Alone ngwendi, “Yove na vana vove, na vaLevi muvavoshe mukakala na mulonga wa vyoshe vikaviya ku Mbalaka, oloni yove lika na vana vove mukakala na mulonga wa vipangi vyeni vya vuka-kukombelela.

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kulava 7:33

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo, kupwa mulambu wa kwenyeka.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 25:31

“Omo Muna Munu akaija mu vumpau vwendi amo na tungelo twendi voshe, akatumbama a litanda lyendi lya vumwene.

Mateo 26:28

omwo vinyu evi vinapu maninga ange aje anakolesa cikumiiyo ca Njambi, akwitikila ali vanu vavangi mukuvasambesa ku milonga yavo.

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

Loma 3:25

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu,

Loma 5:15

Oloni vwana vuje kuvwafwile ngwe kuvulumuna, omwo vwana vwa Njambi kuvwalifwile ngwe vuvi vwa Andama embwe. Mwa vushunga vene vanu vavangi vanatsi omwo vuvi vwa munu umolika. Oloni kutetela kwa Njambi kwakama manene, co na vwana vwendi vwakujeneka kupangela vuje vwanaana kuli vanu vavangi mu kutetela kwa munu uje umolika, ikeye Yesu Kilistu vunapu lalo vwakama manene.

Loma 6:10

Ngecivene, omwo ikeye watsile, vuvi kuvwesi na nzili ali ikeye, co ololo mwonyo uje alinakuyoya nawo alinakuuyoyela muli Njambi.

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

1 Kolinte 1:7

ngecivene, kumwonwene kutambula civezikiso cimo, omo mulinakuvandamena kusholoka kwa Mwene yetu Yesu Kilistu.

1 Kolinte 15:54

Ngecivene, omo eci cikalingiwa, co cije ca kutsa cikazala cije cakujeneka kutsa, asinoni visoneka vikapwa vya vushunga, “Kutsa vanacinyongesa, kuhyana cinaija!”

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

2 Tesalonika 2:1

Ngwe akwija kwa Mwene yetu Yesu Kilistu naakukunguluka kwetu amolika na ikeye, njilinakumilomba, vasamba vange ngwange,

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 1:14

Tungelo vapwa vikajo? Vapwa minzinzime vaje vakapangela Njambi, co avatuma mukukwasa vaje valinakutambula kwovoka.

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:25

Muka-kukombelela Wakama wa vaYunda wakele nakukovela ku Mwela Wakujela Manene a mwaka na mwaka na maninga a tusitu. Oloni Kilistu kalikombelelele visimbu vyavingi embwe,

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

2 Petulu 3:12

ngwe omo mucili nakuvandamena Litangwa lya Njambi nakulinga mwamuvwa ngeci liije vwasi, Litangwa lije omo lilu likenya njwa nakunyonga, na vyuma vyakala mwilu vikanyongolokota na ntwima.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

Yunda 1:21

kaleni mu cizemo ca Njambi, omo muvandamena kwija kwa Mwene yetu Yesu Kilistu a mema ku mbunge endi mukumyana mwonyo wa myaka yoshe.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.