VaHevelu 9:27 - Livulu lya Shukulu Kalunga

²⁷ Munu woshe napande kutsa lumo, co asinoni vakamusompa kuli Njambi.

VaHevelu 9:27 Iomraidhean Croise

Kushangumuka 3:19

Ukapanga nakuundangana manene nakutukuta akupanga mu livu, ngeci likamenese vyakulya, noo ukeluka ku livu kuje kuwatundile. Omwo yove watundile ku livu, co ukeluka lalo ku livu.”

2 Samwele 14:14

Yetu voshe tukatsa, tunapu ngwe mema akwitikila asi, aje kuvasa kuwakungiya lalo. Njambi ikeye kesi kwilwisila munu mwonyo wendi, oloni mwene asa kuwana ngila yakwilwisa munu ku vunzinda.

Yombi 14:5

Simbu yakuyoya kwendi vanaiseteka laja, nakutuma kwa vingonde vyendi vili kuli yove. Nginga yendi unaitu laja ngeci kasa kuyijomboka.

Yombi 19:25

Oloni njazivuka ngeci Numbi yange akaija akukotoka nakunjamena.

Yombi 30:23

Njazivuka ngwange ulinakunjitwala ku kutsa, ku njuvo ije ivavwaesela vaka-kuyoya voshe.

Myaso 89:48

Munu iyajo asa kuyoya, co akeneke kutsa? Iyajo asa kwamena mwonyo wendi, ku nzili ya vukalo vwa vatsi?

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Muka-kwambulula 12:7

Mivila yetu ikeluka ku livu, oloni mwonyo ukeluka kuli Njambi uje watwanenewo.

Muka-kwambulula 3:2

Kuli simbu yakusemuka, na simbu ya kutsa, kuli simbu yakukuna, na simbu yakutukula vivanakunu,

Muka-kwambulula 3:20

Vyuma vyoshe vyakuyoya vikai ku mutambela umolika. Vatutundisile ku livu, co lalo tukeluka ku livu kutwatundile.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Muka-kwambulula 9:5

Eyo, vaka-kuyoya vazivuka ngeci litangwa limo vakatsa, oloni vatsi neci vene vazivuka cai. Kuvesi na cikandelela kulutwe cai vanavevala hivya.

Luka 20:32

Co akukotoka kwa vyoshe evi munakazi watsile.

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 5:12

Ngecivene, vuvi vwezile ano a kaye ali munu umolika, co vuvi vwendi vunanene kutsa. Co kutsa kunete ku miyati yoshe ya vanu omwo voshe vanalingi vuvi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

2 Timateo 4:1

Ku mesho a Njambi na Kilistu Yesu, uje akasompa vaka-kuyoya na vatsi, co omwo alinakwija mukushwana kupwa Mwene, njikushika ngwange

VaHevelu 10:27

Oloni kunasala lika kuvandamena na lyova Kusompa kuje kuli nakwija, co na litende lya tuhya lije likanyongesa vaje vashaula Njambi!

VaHevelu 6:2

a vilongesa vyakumbwitika nakukambeka mavoko, na vya akusanguka kwa vatsi na vya cisompeselo ca myaka yoshe.

1 Yowano 4:17

Cizemo cinatungukwa muli yetu ngeci tusimpe a Litangwa Lyakusompa, co tukakala naco omwo kuyoya kwetu kwa muno mu kaye kwapwa cifwa cimo ngwe Kilistu.

Yunda 1:15

mukusompa voshe, mukuhisa vanu voshe vanalingi vilinga vyakushaula Njambi naa majwi avo oshe amavi akushaula Njambi avamwendekele aje kuvapandele kuwendeka kuli ikeye.”

Kujombolola 20:11

Co njamwene litanda lyakama lyakutoka na uje watumbameneo. Kaye na lilu vyatewele ku mesho endi, co kuvavimwene lalo.