VaHevelu 9:26 - Livulu lya Shukulu Kalunga

²⁶ nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

VaHevelu 9:26 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

Yombi 7:21

Omo vikajo kuwesi kunjisambesela ku vivulumuna vyange? Kuma kuwasa kunjecela ku kupenga-penga kwange oku njilinakulinga? Njikalala mu mbumbo, co mukanjishakezeka, oloni kumukanjiwana.”

Myaso 103:12

Ngwe muvyalyangunuka ngangela na kangombe ka yambi, mukemwo lalo mwakatundisa vuvi vwetu.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Ndanyele 10:14

Yange njinaija ngeci uzivisise vije vikalingiwa kuli vanu vove kulutwe. Eci cikeco cimona ca vyuma vya kulutwe.”

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Mika 4:1

Mu matangwa a kulutwe munkinda aje ali Njuvo ya Shukulu Kalunga, ukapwa waulaja manene kutuvakana malundu oshe, miyati ya vanu vavangi vakaija kuukewo,

Mateo 13:39

co citozi uje waikuvile ikeye Liyavola. Co kuteja kunapu kuhwa kwa kaye, vaka-kuteja vakevo tungelo.

Mateo 13:40

Ngwe omo muvakungulwile shaku nakuyenyeka, ngecivene, mukemwo muvakalinga akuhwa kwa kaye.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

Ngalatiya 4:1

Oloni ngwange simbu shwana a cili mukwenje napu mumo na ndungo, nameme ikeye vyuma vyoshe vinapu vyendi.

Efeso 1:10

Vutumbe ovu, vuje Njambi akavumanesa omo simbu inapumo, vukakungulwila vyakutanga vyoshe amolika, vyuma vyoshe vya mwilu nevi vya asi, Kilistu akapwa mutwe wavyo.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:2

oloni a matangwa ano akukotokela nendeka kuli yetu ali Munendi, uje yanapwisa shwana ya vyuma vyoshe, co ali ikeye lalo watangele vyuma vyoshe.

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 10:12

Oloni Kilistu wakombelelele n̄ombelo imo a vivi, co yapwile n̄ombelo ya ku myaka yoshe, asinoni watumbamene ku livoko lya cilyo lya Njambi.

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 4:3

Ngecivene, yetu tunakulaela, tukakovela mukuhwima kuje kwakulaesele Njambi. Ngwe mwendekele ngwendi, “Njaluvalele, co njalisingile ngwange, ‘Kumukakovela mu lifuti lije linjashakele kumyana ngeci mukahwiminemo!’ ” Ikeye wendekele evi nambe vipangi vyendi vyahwile tunde ku san̄ulu omo watangele kaye.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 17:8

Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.