VaHevelu 9:24 - Livulu lya Shukulu Kalunga

²⁴ Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

VaHevelu 9:24 Iomraidhean Croise

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Kutuuka 28:12

Co tuje tumamanya tuli mu tukwatelo twake a tumiva twa a vitsili vya kangamuna, twimanene miyati likumi na ivali ya vaIsalele. Co mu ngila eyi, Alone akambata mazina avo a vitsili vyendi, co yange Kalunga njikanuka vanu vange simbu yoshe.

Kutuuka 28:29

“Omo Alone akovela ku Mwela Wakujela, co akazala aka kananga ka a nulo kakutaleka mazina a miyati ya Isalele, ngeci yange Kalunga njikanuke vanu vange visimbu vyoshe.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.

Mateo 18:10

“Kengeni ngeci kesi muyengule umo wa ava vavandondo. Omwo njimileka ngwange, simbu yoshe tungelo twavo vali mwilu ku mesho a Tate wa mwilu.

Mako 14:58

“Twamuzivile alinakwendeka ngwendi, ‘Yange njikasiwula eyi Njuvo ya Shukulu Kalunga ivatungile kuli vanu, co omo kuneti matangwa atatu njikatunga yeka yakujeneka kutunga na mavoko a vanu.’ ”

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Luka 24:51

Omo wakele nakuvavezikisa, co walyangunukile navo vamutwalele mwilu.

Yowano 16:28

Njatundile kuli Tate, co njezile ano a kaye, co ololo njilinakutunda ano a kaye njilinakuya kuli Tate.”

Yowano 6:62

Asinoni vatijo nga mumona Muna Munu eluka ku mutambela kuje kwakele laja?

Vilinga vya Miluwa 3:21

Napande kukala mwilu noo simbu ikaija omo vyuma vyoshe vikapwa vyaviha, ngwe mwendekele Njambi ali vaka-kwimanena vendi vakujela vakeleko laja.

Loma 8:33

Iyajo asa kuvangela vaje vanaangula Njambi? Njambi ikeye muka-kuvasambesa.

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Kolose 3:2

Akeni vimbunge vyeni ku vyuma vije vili mwilu, kesi ku vyuma vije vili ano asi embwe.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 6:20

kuje Yesu natutwamenako, co nakovelamo napu laja Muka-kukombelela Wakama wa ku myaka yoshe ngwe ku cifwa ca Melekizendeki.

VaHevelu 8:2

Alinakupanga ngwe Muka-kukombelela Wakama mu Mwela Wakujela Manene, muje munapu mu mbalaka vene ije yatungile Mwene, kesi vanu embwe.

VaHevelu 8:5

Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

VaHevelu 9:1

Cikumiiyo cakulivanga cakele na mashiko akulemeselamo, co vanu vapangele mwela wakulemesela.

VaHevelu 9:23

Vyuma evi vinapu kutembunwina kwa vyuma vya mu lifuti lya mwilu, co vanavijelesa mu ngila eyi vene. Oloni ku vyuma vya mwilu kuvanga vavijelese na n̄ombelo yaivwa.

VaHevelu 9:9

Eci cisimo cinemanena simbu ya ololo. Eci cilinakulumbununa ngeci vwana na vin̄ombelo vya tusitu vyakwana kuli Njambi kuvyasele kujelesa vimbunge vya vaka-kulemesa,

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.

Kujombolola 8:3

Co kangelo mukwavo, uje wakele na lilonga lyakwenyekela insense, wezile nakwimana ku mutula. Vamwanene insense yaingi ngeci awezeleleko ku malombelo a vanu va Njambi voshe nakuwalambula a mutula wa ngolinde uje unemana kulutwe lwa litanda.