VaHevelu 9:23 - Livulu lya Shukulu Kalunga

²³ Vyuma evi vinapu kutembunwina kwa vyuma vya mu lifuti lya mwilu, co vanavijelesa mu ngila eyi vene. Oloni ku vyuma vya mwilu kuvanga vavijelese na n̄ombelo yaivwa.

VaHevelu 9:23 Iomraidhean Croise

Luka 24:26

Kuma Wakuvwavesa kapandele kuyanda a vyuma evi nakukovela mu vumpau vwendi ndi?”

Luka 24:46

co wendekele kuli vakevo ngwendi, “Eci cikeco vasonekele ngwavo, Wakuvwavesa napande kuyanda, co akasanguka munima ya matangwa atatu,

Yowano 14:3

Co omo njinayi nakumivwaesela kwakukala, njikeluka lalo nakumizila ngecivene, mukakale kuje kunjikakala yange.

Vilinga vya Miluwa 23:15

Ngecivene, ololo ngwetu yeni na vaka-Munga tumeni lijwi kuli muka-kushika mashwalale va vaLoma ngeci atume Paulu kuli yeni, mulikwise ngwe mushaka kuwana vukaleo vwavuvwa ali ikeye. Oloni yetu tulivwaesela cimweja kumutsiya simbu kanda acete kuno.”

Kolose 2:17

Vyuma vyoshe evi vinapu munzinze wa vyuma vikasholoka kulutwe, oloni cuma mpundu cinapu Kilistu.

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 8:5

Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.