VaHevelu 9:21 - Livulu lya Shukulu Kalunga

²¹ Mu cifwa eci vene lalo, Mosesa wakele nakushamwina maninga a Mbalaka Mwakuliwanena na akamwa ya vyuma vyoshe vije vakele nakupangesa a simbu yakulemesa.

VaHevelu 9:21 Iomraidhean Croise

Kutuuka 24:6

Co Mosesa wambatele litambelo lya maninga a vimuna, waakele a malonga, co litambelo likwavo walitilile ku mutula.

Kutuuka 29:12

Ambata maninga amo a ngombe wa nkomba, akwite na mulavo wove ku vyakushongomoka vya mutula. Asinoni itila aje maninga anasalao ku lisanda lya mutula.

Kutuuka 29:20

Asinoni mutsiye nakwambatako maninga amo, co akwite ku shongo ya litwi lya Alone lya ku cilyo na vana vendi lalo, na ku manyetete a ku cilyo ca mavoko avo, co na ku manyetete a ku manasha a ku cilyo cavo. Co aje maninga anasalao ashamwine ku mitambela yoshe iwana ya mutula.

Kutuuka 29:36

Co a litangwa na litangwa unapande kukombelela ngombe wa nkomba kupwa mulambu wa a vuvi mukwambesa vuvi. Co lalo ukajelesa mutula omo ukombelela, co ukauvwavesa mukuujelesa.

Kutuuka 40:9

“Asinoni vwavesa Mbalaka na vivala vyayo vyoshe na mazi akuvwava nakuvikundika ngeci vipwe vyakujela.

VaLevi 8:15

Mosesa wamutsiile, co wanoneleko maninga amo, co wambwitikilemo mulavo wendi waakwitile ku vyakushongomoka vya mu vimbango vya mutula, ngeci vaujelese. Asinoni wetilile maninga aje asaleleo kwisi ya mutula. Co mu ngila eyi waukundikile nakuujelesa.

VaLevi 8:19

Co Mosesa wamutsiile nakwitila maninga a mitambela iwana ya mutula.

VaLevi 9:18

Co Alone watsiile ngombe wa nkomba, na lijamba lya manga kupwa mulambu wa kulitombola kwa vanu. Co vana vendi vamutwalelele maninga, waetilile ku mitambela yoshe iwana ya mutula.