VaHevelu 9:2 - Livulu lya Shukulu Kalunga

² Co vatungile mbalaka ya anja vaitumbwile ngwavo Mwela Wakujela. Muje mwakele citumbikilo ca ndeya na mesa na likende lyakukombelela kuli Njambi.

VaHevelu 9:2 Iomraidhean Croise

Kutuuka 25:23

“Co shonga mesa ya mavaya a mungongo, masentimita 88 mu vulaja, na masentimita 44 mu vwihi, co na masentimita 66 mu kulova kwayo.

Kutuuka 25:30

Co aka mesa kulutwe lwa Cikasa ca Cikumiiyo, co makende akujela akulambula kuli yange akakale a mesa simbu yoshe.

Kutuuka 25:31

“Fula citumbikilo ca vindeya na ngolinde yakujela. Co linga lisanda lyayo na manda yayo vyakufula na ngolinde yakupameyeya, na vishani vyavwo vyakucakeya, kuwezelelako vintemo na mavundungulu avwo, co vipwe cuma cimo lika.

Kutuuka 26:1

“Vwaesa mukati ka Mbalaka yakujela, Mbalaka yange Mwakuliwanena, na vinanga vyavivwa likumi vya linyu lyalivwa vyakwosha na ulu yakuzivuluka, na yakuvenguluka, na yakuvenga, vishove na vutongwe na vifwa vya vakelumbi va mambava.

Kutuuka 26:33

Co shukika livamba mwisi ya vikwateso ku vimanda. Co aka Cikasa ca Cikumiiyo kunima ya livamba. Ngeci livamba likaangunune Mwela Wakujela na Mwela Wakujela Manene.

Kutuuka 26:35

Anja ya Mwela Wakujela Manene aka mesa ku kunto ya Mbalaka, co na citumbikilo ca vindeya ku mutambela wa mu mbwela ya Mbalaka.

Kutuuka 29:1

“Evi vikevyo viwukalinga mukukundika Alone na vana vendi ngeci vanjipangele kupwa vaka-kukombelela. Ambata muna ngombe wa nkomba na majamba vavali va vimanga vakujeneka kapenga.

Kutuuka 29:35

“Co ukalinga ngeci kuli Alone na vana vendi akuvakundika matangwa atanu na avali ngwe munjinakushiki.

Kutuuka 40:2

“A litangwa lyakulivanga ku ngonde yakulivanga, shimbika Mbalaka Mwakuliwanena.

Kutuuka 40:4

Kovelesamo mesa, akao vivala vyayo, asinoni kovelesamo citumbikilo ca vindeya nakwimikao vindeya.

Mateo 12:4

Wakovelele mu Njuvo ya Shukulu Kalunga, co ikeye na vanu vendi valile aje makende avakombelelele kuli Njambi, nameme kuwapandele kuwalya kuvanga vaka-kukombelela lika.

Mateo 5:15

Naumo wai ashwameka ndeya, co ayaka mwisi ya lyendeko, oloni ayaka a mesa ngeci itwile ceke voshe vaje vali mu njuvo.

VaHevelu 9:25

Muka-kukombelela Wakama wa vaYunda wakele nakukovela ku Mwela Wakujela Manene a mwaka na mwaka na maninga a tusitu. Oloni Kilistu kalikombelelele visimbu vyavingi embwe,