VaHevelu 9:19 - Livulu lya Shukulu Kalunga

¹⁹ Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

VaHevelu 9:19 Iomraidhean Croise

Myaso 51:7

Tundisa vuvi vwange, co njikajela, njijwelese, co njikatoka too ngwe mema akukonda.

Kutuuka 12:22

Co noneni kacishamo ka hisope, kambwitikeni mu lilonga muje muli maninga a cimuna, kwiteni aje maninga a vivuliko vya cikolo na akamwa ya cipamba ca njuvo, naumo wai akatuuka anja ya njuvo noo mutondo.

Isaya 52:15

Oloni miyati ya vanu vavangi vakamukomoka, co vimyene kuvakasa kwendeka, vakalikomokela lika. Vakamona nakuzivisisa cuma cije kuvazivukile akulivanga.”

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 3:6

“Nga manga nambe membe vamukombelela kupwa mulambu wa kulitombola napande kupwa wa lijamba nambe lwavo, oloni napande kupwa wakujeneka kapenga.

Kulava 19:18

Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo.

Kulava 19:6

Asinoni muka-kukombelela akanone kaciti ka kendale, na kacishamo ka hisope, na mukole wakuvenguluka, co vakavyumbile mu tuhya muje mulinakwenyela uje ngombe.

Mateo 27:28

Co vamushulwile vuzalo vwendi, co vamuzikile cikoveyo cacilaja cakuvenga.

Mako 15:17

Co vamuzikile cikoveyo cacilaja cakuvenga, co vavindile cilongo ca minango ya mambimbo, vacakele ku mutwe wendi.

Mako 15:20

Omo vamanesele kumushendumuna, vamushulwile cikoveyo cakuvenga, co vamuzikile lalo vuzalo vwendi. Asinoni vamutwalele anja ngeci vakamushukike a cilindakano.

Yowano 19:2

Co mashwalale vavindile cilongo ca mambimbo vacakele ku mutwe wendi, co vamuzikile cikoveyo cacilaja cakuvenga,

Yowano 19:5

Ngecivene, Yesu watuukile anja, wazalele cilongo ca mambimbo na cikoveyo cacilaja cakuvenga. Pilato wendekele kuli vakevo ngwendi, “Kengeni! Munu ou!”

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 12:24

Yeni munaija kuli Yesu, uje navwaesa cikumiiyo caciha, nakukushamwina kwa maninga anatukulaesa vyuma kutuvakana maninga a Avele.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:13

Maninga a vimembe na vingombe va nkomba na lito lyakwenyeka lya vana va vingombe vavishamwinine ali vanu vaje nakuvajelesa ku milonga yavo, co livajelesa nakutundisa kujwala kwavo.

VaHevelu 9:18

Mukemwo vene cikumiiyo cakulivanga kucasele kukala kwakujeneka kupangesa maninga.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.