VaHevelu 9:14 - Livulu lya Shukulu Kalunga

¹⁴ Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

VaHevelu 9:14 Iomraidhean Croise

2 Samwele 4:11

Co vatijo cikafwa ali vanu vavavi vaje vatsiya munu wakujeneka mulonga uje nalilalela mu njuvo yendi! Ololo njikalinga shambandinga ali yeni akumutsiya, co njikamitundisa ano asi!”

2 Vimyene 19:16

Ololo Shukulu Kalunga, kenga a vyuma evi vilinakulingiwa kuli yetu, tolilila ku vyuma vyoshe vije vyalinakwendeka Senakelivi vyakushaula yove Njambi wakuyoya.

Yombi 15:16

Munu akanu vuvi ngwe mema, eyo, munu wapwa wa vunyengwe, lalo wapwa wakuviya.

Myaso 51:2

Njijwelese ku vuvi vwange, na ku kupenga-penga kwange!

Kutuuka 12:5

Munapande kwangula manga nambe membe, oloni napande kupwa nkomba wa mwaka umo wakujeneka kapenga.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 53:9

Vamwakele mu mbumbo amo na vaka-vuvi, vamutsindile amo na vaka-kufuka, nameme ngoco kakele na mulonga wai, nambe kwendeka makuli.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ezekiyele 45:18

Shukulu Kalunga wa Akamwa ya Vyoshe wendekele ngwendi, “A litangwa lyakulivanga ku ngonde yakulivanga, mukakombelele ngombe wa nkomba wakujeneka kapenga, co mukajelesa Njuvo yange.

Ndanyele 6:26

Yange njilinakushika ngwange mu vumwene vwange vwoshe, munu woshe napande kulemesa nakusingimika Njambi ya Ndanyele. “Ikeye Njambi wakuyoya, ikeye akashwana ku myaka yoshe. Vumwene vwendi kuvwesi kunyonga, co nzili yendi kuyesi kuhwa.

VaLevi 22:20

Nga akakombelela cimuna uje ali na kapenga, co Shukulu Kalunga kakamutambula.

Kulava 28:11

“Lambuleni milambu ya kwenyeka kuli Shukulu Kalunga akushangumuka kwa ngonde, vana va vingombe vavali va nkomba, na lijamba lya manga umo, na majamba a vana va vimanga vatanu na vavali va mwaka umolika, voshe vakujeneka kapenga.

Kulava 28:3

“Co ukavaleke ngwove, eyi ikeyo milambu ya vyakulya imukalambula kuli Shukulu Kalunga, majamba a vana va vimanga vavali va mwaka umo vakujeneka kapenga a litangwa na litangwa kupwa mulambu wa kwenyeka simbu yoshe.

Kulava 28:9

“A Litangwa Lyakuhwima mukalambula majamba a vana va vimanga vavali va mwaka umolika vakujeneka kapenga, amo na makilo avali a vunga vwavuvwa vwakuseneta vwakukumbasana na mazi a olive, kupwa mulambu wa vimbuto vya vinona vya vunga vwakulola, amo na mulambu wa vinyu.

Mateo 12:28

Kesi Mbelezembulu ikeye akanjana nzili yakutundisa minzinzime yakujwala embwe, oloni Munzinzime wa Njambi ikeye njikatundisa nendi minzinzime yakujwala, muzivuke ngeci Vumwene vwa Njambi vunete kuli yeni vene.

Mateo 16:16

Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Luka 1:74

Wakulaesele kutupatula ku mavoko a vitozi vetu, ngeci tumupangele kujeneka lyova,

Luka 12:24

Kengeni makololo, kuvesi kukuva nameme kuteja, kuvesi na milili yakutulikila nambe vishete, oloni Njambi alinakuvalisa! Yeni muli na seo yakama kutuvakana tuzila!

Luka 12:28

Oloni nga Njambi azika mwila wa mu shwata uje ukalako lelo lika, oloni imene waiko, vaumbila mu liko nakuwenyeka, co kuma kasa kumizika ndi? Yeni vaka-kukulaela kwakundondo!

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 1:4

ngwe ku vu Njambi vwendi vwakujela, vamumwesele na nzili yakama kupwa Muna Njambi omo vamusangwile ku vatsi.

Loma 11:12

Vuvi vwa vaYunda vwanenele vivezikiso vyakama mu kaye, co kuutwa kwavo kwa mu munzinzime kwanenele vivezikiso vyakama kuli vaje kesi vaYunda. Ngecivene, vikapwa vatijo vivezikiso vyakama manene omo vungi vwa vaYunda vanavawezelela!

Loma 11:24

Omwo nga yeni kesi vaYunda munalifu ngwe munango wa ku muti wa olive wa mu shwata uje uvanajokolako, co ngwe kesi mu cifwa cawo, vanaunungila ku muti wa olive wakukuna. VaYunda vanalifu ngwe ou muti wakukuna, co cikapwa cacasi manene kuli Njambi kunungilako eyi minango ivajokwele ku muti wayo lalo.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Ngalatiya 2:19

Omwo njatsile ku Majwi a Lishiko ngeci njiyoye muli Njambi.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Kwituluka mu Mashiko 15:21

Oloni nga vimuna ava vakakala na kapenga, nambe vulema, nambe vupuputwa, nambe katengu kamo kakavi, co kesi mukavakombelele kuli Shukulu Kalunga Njambi yeni.

Kwituluka mu Mashiko 17:1

“Kesi mukakombelele kuli Shukulu Kalunga Njambi yeni ngombe nambe manga uje ali na kapenga, omwo vyuma vyangacije vyapwa vya vunyengwe ku mesho a Shukulu Kalunga Njambi yeni.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 33:27

Njambi simbu yoshe wapwa cimpaka ceni, simbu yoshe mavoko endi kuwesi kujuka kumivungutiya. Ikeye washekele vitozi veni kulutwe lweni, co wamilekele ngeci muvanyongese voshe njwa.

Kwituluka mu Mashiko 5:26

Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye?

1 Tesalonika 1:9

Vanu voshe valinakwendeka vati yeni mwatutambwile omo twezile nakumimona, co lalo vati mwatengulukile kutunda ku tumponya nakwija kuli Njambi, nakupangela Njambi wa vushunga wakuyoya,

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 10:12

Oloni Kilistu wakombelelele n̄ombelo imo a vivi, co yapwile n̄ombelo ya ku myaka yoshe, asinoni watumbamene ku livoko lya cilyo lya Njambi.

VaHevelu 10:2

Nga vanu vaje valemesa Njambi vanavajelesa ku vivi vyavo nga kuvasa kuziva cishota-mbunge lalo a mulonga wa vuvi, co nga vin̄ombelo vyoshe vanavimika.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 11:21

Akukulaela, Yakomba wavezikisile vana va Yosefa voshe omo ikeye kanda atse. Ikeye wajendamenene a mukombo wendi nakulemesa Njambi.

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

VaHevelu 6:1

Ngecivene, tuyeni kulutwe ku vilongesa vyakulova, co tusezeni munima vilongesa vyakushangumuka lijwi lya vuka-Yesu. Co kutwapandele lalo kujala luvula lwakutunda mu ngila ya vipangi vyangoco neyi yakukulaela kuli Njambi,

VaHevelu 7:16

Vamupwisile muka-kukombelela kesi ngwe na mashiko nambe vutumbe vwa vanu, oloni a nzili ya mwonyo uje wa myaka yoshe.

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:26

nga ngoco ni, nga wapandele kuyanda visimbu vyavingi tunde aje vatangelele kaye. Oloni ku shongo ya myaka, washolokele lumolika kuli voshe, mukutundisa vuvi mukulikombelela ikeye vavenya.

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.

VaHevelu 9:9

Eci cisimo cinemanena simbu ya ololo. Eci cilinakulumbununa ngeci vwana na vin̄ombelo vya tusitu vyakwana kuli Njambi kuvyasele kujelesa vimbunge vya vaka-kulemesa,

1 Petulu 1:19

oloni vamipatwile na n̄ombelo ya ndando yakama ya Kilistu, uje wapwile ngwe muna manga wakujeneka livala nambe kapenga.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 3:5

Mwazivuka ngweni Kilistu washolokele ngeci atundise vivi, co muli ikeye kumwesi vuvi navumo vwai.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

1 Samwele 17:26

Ndaviti wehwile vaje vanu vakele kuyehi nendi ngwendi, “Cuma muka civakana munu uje atsiya kaFilisitiya ou, nakupatula vaIsalele ku shwamwa eyi? KaFilisitiya iyajo ou wakujeneka kukulaela Kalunga ayeluwisa mbunga ya mashwalale va Njambi wakuyoya?”