VaHevelu 9:12 - Livulu lya Shukulu Kalunga

¹² Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.

VaHevelu 9:12 Iomraidhean Croise

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

VaLevi 16:15

“Munima yevi, akatsiye membe wa n̄ombelo ya a vuvi vwa vanu, nakunena maninga endi mu Mwela Wakujela Manene, nakuwashamwina akamwa ya cifwiko, asinoni akashamwine amo lalo kulutwe lwa Cikasa ca Cikumiiyo, ngwe mwalingile na maninga a uje muna ngombe wa nkomba.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 8:2

“Nena Alone na vana vendi va vanalume ku cikolo ca Mbalaka Mwakuliwanena, co vanene amo na vuzalo vwa vuka-kukombelela, na mazi akuvwava, na muna ngombe wa nkomba wa mulambu wa a vuvi, na majamba vavali va vimanga, na mutonga wa makende akujeneka musima.

VaLevi 9:15

Co munima yevi, Alone wakombelelele vin̄ombelo vya vanu. Wambatele membe uje wapwile wa n̄ombelo ya a vuvi vwa vanu, co wamutsiile, asinoni wamukombelelele ngwe muje mwalingile a n̄ombelo ya a vuvi vwendi vavenya.

Zakaliya 3:9

Njaka limanya limo kulutwe lwa Yoshwa lije likakala na mitambela itanu na ivali. Njikolao masona a cimweso, co mu litangwa limolika njikatundisa vuvi vwa lifuti eli.

Mako 3:29

Oloni uje ashaula Munzinzime Wakujela kuvakamusambesa nalumo lwai, omwo nalingi vuvi vwa ku myaka yoshe.” (

Luka 1:68

“Tushangazaleni Shukulu Kalunga Njambi ya Isalele! Naija nakukwasa vanu vendi nakuvapatula.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Kolose 1:14

muli ikeye vanatupatula, kukekwo, kusambesa kwa vivi vyetu.

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 10:19

Ngecivene, vakwetu, twasa kukovela nakusimpa mu Mwela Wakujela Manene omo a kutsa kwa Yesu.

VaHevelu 10:4

Omwo maninga a vingombe va nkomba na vimembe kuwasele kutundisa vivi vya vanu.

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

VaHevelu 7:27

Kapwile ngwe vaka-kukombelela vamo vakama embwe, ikeye kapandele a litangwa na litangwa kukombelela vin̄ombelo akulivanga vya vuvi vwendi, co asinoni vya vuvi vwa vanu. Wakombelele n̄ombelo imo, lumo ku myaka yoshe, omo hwalikombelele ikeye vavenya.

VaHevelu 9:13

Maninga a vimembe na vingombe va nkomba na lito lyakwenyeka lya vana va vingombe vavishamwinine ali vanu vaje nakuvajelesa ku milonga yavo, co livajelesa nakutundisa kujwala kwavo.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

VaHevelu 9:19

Akulivanga, Mosesa walekele vanu mashiko a Njambi oshe, ngwe muvaemikile. Co wambatele maninga a vana va vingombe va nkomba na vimembe nakwawakumbasana amo lika na mema, co waashamwinine a livulu lya Lishiko na a vanu voshe na kacishamo ka hisope, co na a a vimanga akuvenga.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

VaHevelu 9:7

oloni kuvanga Muka-kukombelela Wakama lika ikeye akovela mu Mbalaka ya mukati, co akacilingi ngeci lumo a mwaka. Akambata maninga aje akalingi n̄ombelo kuli Njambi mukwimanena ikeye vavenya na vanu a vuvi vuje vanalingi vwakujeneka kuzivuka.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 5:9

Co vembile mwaso wauha ngwavo, “Yove wafwila kwambata eli livulu nakuvatula tusateso twalyo. Omwo vakutsiile, co a kutsa kwove wakulile vanu na maninga ove kuli Njambi, vakutunda ku miyati yoshe na ku vindaka vyoshe na ku mafuti oshe na ku vanu voshe.