VaHevelu 9:11 - Livulu lya Shukulu Kalunga

¹¹ Oloni Kilistu naija laja Muka-kukombelela Wakama wa vyuma vyavivwa vije tulinavyo laja ano. Mbalaka muje alinakupangela yakama manene, co ikeyo yakujela, ikeyo kuvaitungile kuli vanu embwe, ikeyo kuyakundamene ku mutambela wakutanga wa kano kaye.

VaHevelu 9:11 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Isaya 59:20

Shukulu Kalunga alinakwendeka kuli vanu vendi ngwendi, “Njikaija ku Yelusalema, nakumimanena nakumyamena yeni voshe vaje vanatenguluka ku vuvi vweni.

Njelemiya 33:8

Njikavajelesa ku vivi vyavo vyoshe vije vivanavulumuna kuli yange, co njikavasambesa ku vivi vyavo na ku kupenga-penga kwavo.

Malakiya 3:1

Shukulu Kalunga Muka-nzili yoshe nendeka ngwendi, “Kengeni njikatuma muluwa wange uje akavwaesa ngila kulutwe lwange. Asinoni Shukulu Kalunga uje imulinakukengelela akaija vwasi-vwasi ku Njuvo yendi. Muluwa uje imukakengelela akaija nakwambulula cikumiiyo cange.”

Mateo 11:3

nakumwihula ngwavo, “Tuleke, yove vene uje yatumbwile Yowano ngwendi akaija, nambe tucivandamene weka lalo?”

Mateo 2:6

‘Nove Mbetelehema mu lifuti lya Yunda, kesi uwamundondo akati ka vinganda vyakama vya mu Yunda, omwo kuli yove kukatunda muka-kushwana, ikeye akatwamenena vanu vange va Isalele.’ ”

Mako 14:58

“Twamuzivile alinakwendeka ngwendi, ‘Yange njikasiwula eyi Njuvo ya Shukulu Kalunga ivatungile kuli vanu, co omo kuneti matangwa atatu njikatunga yeka yakujeneka kutunga na mavoko a vanu.’ ”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 4:25

Munakazi wendekele kuli ikeye ngwendi, “Njazivuka ngwange Wakuvwavesa alinakwija, co omo naija, akatuleka vyuma vyoshe.”

Vilinga vya Miluwa 7:48

“Oloni Njambi wa Akamwa ya Vyoshe kesi kukala mu vinjuvo vyakutunga vanu, ngwe muje alinakwendeka muka-kwimanena ngwendi,

2 Kolinte 4:18

Omwo twakengelela, kesi ngwe ku vyuma twamono embwe, oloni ku vyuma vije kanda tumone. Vyuma vije kutwasa kumona vyasa kukala kasimbu lika, oloni vyuma vije kutwasa kumona vya ku myaka yoshe.

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 12:27

Lijwi eli, “lalo” litumwesa mwamuvwa ngeci vyuma vyakutanga vakavijajesa nakuvishandola, ngeci vyuma vije kuvikajaja vikevyo vikasalao.

VaHevelu 13:14

Omwo kutwesi na nganda yakwishwala ano asi, oloni tulinakukengelela nganda ije ilinakwija.

VaHevelu 2:17

Ngecivene, camupandele mu vyoshe alipwise mumolika na vakwavo, ngeci apwe Muka-kukombelela Wakama wa kulongwa na kutetela mu vipangi vyendi ku mesho a Njambi, ngecivene, vuvi vwa vanu vakavusambese.

VaHevelu 3:1

Vakwetu muli Yesu, vaje vasanene Njambi! Yongoleni ali Yesu, uje yatumine Njambi kupwa Muka-kukombelela Wakama kukukulaela kuje tunatava.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

VaHevelu 7:1

Melekizendeki wapwile mwene wa ku Saleme muka-kukombelela kuli Njambi wa Akamwa ya Akamwa. Omo Avilahama welukile ku nzita kuje wakatsiile vimyene vawana, Melekizendeki waliwanene nendi, co wamuvezikisile,

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

2 Yowano 1:7

Omwo vaka-kukwisa vavangi vanashandokela mu kaye mwoshe, vanu vaje kuvatava ngeci Yesu Kilistu wezile mu cifwa ca vunu. Munu wa cifwa cangacije napu muka-kukwisa, ikeye napu Citozi ca Kilistu.