VaHevelu 8:5 - Livulu lya Shukulu Kalunga

⁵ Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

VaHevelu 8:5 Iomraidhean Croise

1 Mizimbu 28:12

Co lalo wamwanene matumbe oshe aje ayongwele a vipango na milili ije yavizengelekele, na milili yakutulikila vivala vya mu Njuvo ya Shukulu Kalunga, na vwana vwakukundika kuli Shukulu Kalunga.

1 Mizimbu 28:19

Mwene Ndaviti wendekele ngwendi, “Vyoshe evi vili mu vutumbe vuvasonekele ngwe ku mashiko aje anjanene vavenya Shukulu Kalunga ngeci njivilinge.”

Kutuuka 25:40

Co unapande kuvipanga ngwe ku vutumbe vuje njakumweselevwo a munkinda.

Kutuuka 25:9

Itungeni na vyoshe vivala vyamwo ngwe ku vutumbe vuje vunjikamimwesa.

Kutuuka 26:30

Co imika Mbalaka ngwe ku vutumbe vuje njakumwesele a munkinda.

Kutuuka 27:8

Co shonga mutula na mavaya, ukaseza mako mukati, ngwe ku vutumbe vuje njakumwesele a munkinda.

Kulava 8:4

Omu mukemwo muvapangele citumbikilo ca vindeya, vacipameyeye na ngolinde kutunda ku citumbikilo caco kweta ku vishani vyaco, califwile na seteko ije yamwesele Shukulu Kalunga Mosesa.

Mateo 2:12

Asinoni velukile ku lifuti lyavo mu ngila yeka, omwo Njambi wavanangwile mu njozi ngeci kesi veluke lalo kuli Helonde.

Vilinga vya Miluwa 7:44

“Vakukulwila vetu vakele na Mbalaka Mwakuliwanena mu mambo. Vaipangele ngwe Njambi mwashikile Mosesa ngeci vaipangemo, ngwe mu cifwa cije vene civamwesele Mosesa.

Kolose 2:17

Vyuma vyoshe evi vinapu munzinze wa vyuma vikasholoka kulutwe, oloni cuma mpundu cinapu Kilistu.

VaHevelu 10:1

Lishiko lya vaYunda kulyapwile kutembunwina mwamuvwa vyuma vya vushunga, likelyo lyapwa ngwe munzinze wakulitalanganya wa vyuma vyavivwa vije vilinakwija. Vin̄ombelo vije vakele nakukombelela simbu yoshe a mwaka na mwaka. Vatijo Lishiko a vin̄ombelo evi lyasa kujelesa vanu vaje valinakwija kuli Njambi?

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 13:10

Kuli vaka-kukombelela vaje vapangelele mu mbalaka ya vaYunda kuvakele na moko yakulya vyakukombelela ku mutula.

VaHevelu 9:9

Eci cisimo cinemanena simbu ya ololo. Eci cilinakulumbununa ngeci vwana na vin̄ombelo vya tusitu vyakwana kuli Njambi kuvyasele kujelesa vimbunge vya vaka-kulemesa,

Yoshwa 22:28

Eci capwile ciyongo cetu, nga eci cikalingiwa, co vatekulwila vetu vakendeka ngwavo, ‘Kengeni, vakukulwila vetu vatungile mutula wakulifwa na mutula wa Shukulu Kalunga. Ukewo kuwapwile wakwenyekela vin̄ombelo nambe kukombelelao embwe, oloni wapwile wa vukaleo akati ka vanu vetu na vanu veni.’

Kujombolola 15:5

Munima yevi njamwene Njuvo ya Shukulu Kalunga inashokoloka mwilu, na Mbalaka ya Vukaleo yakele muje.