VaHevelu 8:2 - Livulu lya Shukulu Kalunga

² Alinakupanga ngwe Muka-kukombelela Wakama mu Mwela Wakujela Manene, muje munapu mu mbalaka vene ije yatungile Mwene, kesi vanu embwe.

VaHevelu 8:2 Iomraidhean Croise

Kutuuka 25:9

Itungeni na vyoshe vivala vyamwo ngwe ku vutumbe vuje vunjikamimwesa.

Kutuuka 28:1

“Sana ndolome yove Alone na vana vendi, Nandave, na Avihu, na Elyazale, na Itamale. Vaangunune kuli vanu va Isalele ngeci vanjipangele vipangi vya vuka-kukombelela.

Kutuuka 28:35

Co Alone akazale cikoveyo eci cacilaja omo apanga vipangi vyendi vya vuka-kukombelela. Omo aija ku mesho ange ku Mwela Wakujela nambe omo atundako, ngeci kutenda kwa vingenjo vacizive ngeci kesi atse.

Kutuuka 33:7

Oshe aje vanu va Isalele vakele nakutungila cilombo, co Mosesa wakele nakutungila Mbalaka yakujela alyala kamandondo anja ya cilombo, waitumbwile ngwendi, “Mbalaka Mwakuliwanena,” co munu woshe uje washakele kukehula Shukulu Kalunga wapandele kutuuka anja nakuyako.

Luka 24:44

Co wavalekele ngwendi, “Evi vikevyo vyuma vije njamilekele omo njakele neni ngwange, vyuma vyoshe vije vasonekele mu Lishiko lya Mosesa, na mu visoneka vya vaka-kwimanena, na mu Myaso vyakunjitumbula yange vinapande kulingiwa.”

Loma 15:8

Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

VaHevelu 10:11

Vaka-kukombelela voshe vakemana a litangwa na litangwa mukupanga nakukombelela vin̄ombelo vya cifwa cimo visimbu vyavingi, oloni vin̄ombelo evi kuvyasa kutundisa vivi nalumo lwai.

VaHevelu 10:21

Tuli na Muka-kukombelela Wakama ikeye ashika mu njuvo ya Njambi.

VaHevelu 11:10

Omo Avilahama wavandamenene nganda ije Njambi yamwinikilile kumutungila, nganda ije ya luvula lwa myaka yoshe.

VaHevelu 9:1

Cikumiiyo cakulivanga cakele na mashiko akulemeselamo, co vanu vapangele mwela wakulemesela.

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.