VaHevelu 8:10 - Livulu lya Shukulu Kalunga

¹⁰ Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

VaHevelu 8:10 Iomraidhean Croise

Kutuuka 24:4

Co Mosesa wasonekele majwi oshe a Shukulu Kalunga. Co alikaki mutondo watungile mutula kwisi ya munkinda, co wemikileo mamanya a vimanda likumi na avali, ku miyati ya Isalele likumi na ivali lalo.

Kutuuka 24:7

Asinoni wanonele livulu lya cikumiiyo, muje muvasonekele vyashikile Shukulu Kalunga, walilavelele kuli vanu. Co vanu vendekele ngwavo, “Tukononoka Shukulu Kalunga nakulinga vyuma vyoshe vije vyanatushiki.”

Kutuuka 34:1

Shukulu Kalunga wendekele kuli Mosesa ngwendi, “Lamuna vitale vya mamanya vivali ngwe vije vyakulivanga, ngeci njitalekeo majwi ngwe aje akeleo akulivanga, aje akele a vitale vije viwapokwele.

Kutuuka 34:27

Shukulu Kalunga wendekele kuli Mosesa ngwendi, “Soneka majwi awa, omwo akewo anapu nsina ya majwi awa njilinakulikumiiya cikumiiyo amo nove na vaIsalele.”

Myaso ya Solomoni 2:16

Muka-cizemo cange unapu u wange, nange njinapu nji wove, Ulinakulisa matanga ove akati ka man̄anda,

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 31:1

Shukulu Kalunga alinakwendeka ngwendi, “Simbu ilinakwija omo yange njikapwa Njambi wa miyati yoshe ya Isalele, co vakevo vakapwa vanu vange.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:38

Co vakapwa vanu vange, nange lalo njikapwa Njambi yavo.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Ezekiyele 37:27

Njikakala muje amo navo nakupwa Njambi yavo, co na vakevo vakapwa vanu vange.

Ezekiyele 39:22

VaIsalele vakazivuka simbu yoshe ngeci yange njapwa Kalunga Njambi yavo.

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Mateo 22:32

‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”

Loma 11:27

Co njikalikumiiya navo cikumiiyo eci omo njikatundisa vivi vyavo.”

1 Kolinte 6:16

Indi kumuzivuka ngweni woshe akumbasana muvila wendi na cikwizi alipwisa nendi muvila umo? Visoneka vyendeka ngwavyo, “Voshe vavali vakapwa muvila umolika.”

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.