VaHevelu 6:6 - Livulu lya Shukulu Kalunga

⁶ Co nga vaje vombilile kukulaela kwavo! Kucitava kuvelwisa ngeci vatenguluke lalo, omwo vakevo valinakushukika Muna Njambi lalo nakumushawisa ku mesho a mbunga.

VaHevelu 6:6 Iomraidhean Croise

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Mateo 19:26

Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”

Luka 11:48

Ngecivene, mwatavele vukaleo yeni vavenya vwa vije vivalingile vakukulwila veni, vatsiile vaka-kwimanena, co yeni munavatungila vimbumbo.

2 Timateo 2:25

walyovwa-ovwa omo ashungamesa vaka-kumulwisa, amo Njambi akavana simbu yakutenguluka ngeci vazivuke vushunga.

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.

VaHevelu 10:29

Ngecivene, cikafwa vatijo kuli munu uje ashaula Muna Njambi? Nga apopolola maninga a cikumiiyo ca Njambi ngwe cuma cangoco aje anamujelesa ku vuvi? Co ashaula Munzinzime wa mema ku mbunge? Co cihiso ca munu wangacije cikapwa cakama manene!

VaHevelu 12:2

Co tukengeni mesho etu ntoma ali Yesu, ali uje kukulaela kwetu cinemana kutunda kukushangumuka kwetu na ku shongo. Kajukile omwo cilindakano! Omwo kujolela cije camuvandamenene, kazivile shwamwa omwo kutsa a cilindakano, co ololo natumbama ku livoko lya cilyo lya litanda lya Njambi.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 6:4

Vatijo vasa kwiluka vaje vatundile kukukulaela ngeci vatenguluke lalo nakulitavela? Vaje vakele na ceke ca Njambi, voshe vaje vamakelele ku vwana vwa mwilu, co vatambwile Munzinzime Wakujela,

2 Petulu 2:21

Omwo nga capwile cacivwa kuli vakevo kujeneka kuzivuka ngila ya vushunga kutuvakana kuyizivuka, co vatengulukila kweka nakutunda ku lishiko lije lyakujela lije livavaanene.

1 Yowano 5:16

Nga umona muka-kukulaela alinga vuvi vuje kuvwasa kumutwala ku kutsa, unapande kulombela kuli Njambi, uje akamwana mwonyo. Eci cinakundama kuli vaje vivi vyavo kuvivatwala ku kutsa. Oloni kuli vuvi vuje vutwala ku kutsa, co kunjasa kwendeka ngwange munapande kulombela kuli Njambi a vuvi vwangacije.